web counter
LEXO PA REKLAMA!

SHKARKO APP

App Store
Google Play

E fundit!

x

Ushqimet që duhet të hani për një gjumë cilësor

7 Tetor 2024, 08:00, Shëndeti Dr. Ilir Allkja
Ushqimet që duhet të hani për një gjumë cilësor
Foto ilustruese

Gjumi dhe gjumi cilësor janë dy gjëra shumë të ndryshme.

Të gjithë nuk ndihemi mirë në qoftë se nuk kemi fjetur mjaftueshëm apo kemi fjetur keq, duke shtuar në kosto një ditë pa efektivitet e ndonjëherë rraskapitëse pune.

Të gjithë ata që nuk arrijnë të flenë si dhe sa duhet kanë 3-4 nga simptomat e mëposhtme:

- Nervozizëm

- Vështirësi në përqendrim

- Lodhje gjatë ditës

- Dobësim të sistemit imunitar

- Shtim në peshë

- Ndryshime të papritura të humorit

- Tension të lartë gjaku

- Çrregullim të funksionit të organeve

- Çrregullime hormonale, sidomos te femrat

- Dhe më e rënda, pasoja në jetëgjatësi.

Mënyra më e mirë për të fjetur mund të ndihmohet nëse provoni dhe ndiqni disa praktika të higjienës së gjumit.

Përveç ndryshimeve të mënyrës së jetesës, ka disa ushqime që nxisin gjumin në mënyrë natyrale! 

Hani këto ushqime 2-3 orë para se të rrëshqisni mes çarçafëve:

1. Bajamet – janë një burim natyral i melatoninës.

2. Arra – përveçse me melatonin, përmbajnë acide yndyrore të larta (të mira) për t'ju ndihmuar të flini më gjatë, më mirë.

3. Çaji i kamomilit – përmban apigeninë, një antioksidant i mirë për parandalimin e pagjumësisë.

4. Frutat e kivit – të pasura me serotoninë dhe antioksidantë për relaksim natyral.

5. Lëng qershie apo çaj i bishtave të saj – një filxhan i vogël ofron shumë melatoninë që mund të ndihmojë nëse luftoni me pagjumësinë.

Zgjidhni (nëse është e mundur pozicionin e dhomës gjumit larg zhurmave, rrugës etj.)

Mos mbani telefon, tablet, kompjuter, apo TV në dhomën tuaj të gjumit. Janë pajisje që shkatërrojnë gjumin tuaj të natës, ditën tuaj të punës, shëndetin.

Në qoftë se nuk arrini të flini pavarësisht kushteve të përmirësuara, kontaktoni me një mjek, mos lejoni që problemet tuaja të "trashen", të kronicizohen.





Lajmet e fundit nga