E fundit!

16:27 Politikë

Tipologji e re e menaxhimit të plazhit publik/ Çfarë përcakton vendimi i qeverisë

Qeveria shqiptare ka miratuar shtimin e një tipologjie të ...

Cilat janë vitaminat dhe mineralet më të mira për gjumin

5 Gusht 2024, 16:53, Shëndeti CNA

Cilat janë vitaminat dhe mineralet më të mira për gjumin

Foto ilustruese

Problemet me gjumin, mund të shkaktojnë pasoja të rrezikshme në shëndet.

Sipas të dhënave nga AgroWeb.org, nëse njeriu fle më pak se 7 orë çdo natë, rreziku i vdekjes së parakohshme dyfishohet.

Nëse flini më pak se gjashtë orë në natë, rreziku katërfishohet.

Në shumë raste, mungesa e vitaminave mund të ndikojë tek cilësia dhe kohëzgjatja e gjumit.

Në këtë artikull të AgroWeb.org do të mësoni për vitaminat dhe mineralet që përmirësojnë cilësinë e gjumit.

Vitamina C

Kjo vitaminë është shumë e rëndësishme për sistemin imunitar.

Megjithatë, studimet tregojnë se njerëzit që kanë më pak vitaminë C në organizëm përballen më shumë me pagjumësinë dhe kanë tendencën të çohen shpesh natën.

Hekuri

Ky mineral ndihmon në transportimin e oksigjenit në trup. Kjo është arsyeja përse mungesa e tij shkakton plogështi.

Mungesa e hekurit nxit bllokim të muskujve dhe lëvizje të pavullnetshme të gjymtyrëve gjatë natës.

Magnezi

Ky mineral e ndihmon organizmin të prodhojë melatoninën që njihet ndryshe si hormoni i gjumit.

Ekspertët rekomandojnë një dozë ditore prej 600 gramë magnez përveç se në rastet kur njeriu rrezikohet nga sëmundjet e veshkave apo rrahjet e ulëta të zemrës.

Magnezin e gjeni tek barishtet, farat e kungullit dhe disa arrorë.

Vitamina B12

Kjo vitaminë ruan shëndetin e nervave dhe qelizave të gjakut.

Ajo e ndihmon trupin të krijojë energji.

Mungesa e kësaj vitamin shkakton lodhje, problem me gjumin dhe mpirje të gjymtyrëve.

Vitamina D

Studimet thonë se nivelet e ulëta të vitaminës D janë të lidhura fort me cilësinë e gjumit.

Sasia e rekomanduar ditore e kësaj vitamine është 600 njësi në ditë dhe ushqimet ku ajo gjendet nuk mjaftojnë për të përfituar këtë sasi.

Kalçiumi

Mungesa e kalçiumit pengon aktivizimin e fazës REM të gjumit, ose siç njihet gjumi i rëndë dhe i ëndrrave.

Sasia e rekomanduar e suplementëve është 1,000 mg për të rriturit deri në 50 vjeç dhe 1,200 mg për njerëzit mbi 50 vjeç.

Kalçiumin e gjeni tek barishtet, sardelet dhe farat e susamit.