web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet 2025/ Berisha: Sapo PD të vijë në pushtet do të përgjysmohen tarifat e shkollimit

12 Tetor 2024, 19:50, Politikë CNA
Zgjedhjet 2025/ Berisha: Sapo PD të vijë në pushtet do të
Kryedemokrati, Sali Berisha

Kryedemokrati, Sali Berisha nis fushatën për zgjedhjet 2025 ku theksoi se me ardhjen e Partisë Demokratike në pushtet do të përgjysmohen tarifat e shkollimit.

Gjithashtu Berisha tha gjatë deklaratës së tij të përnatshme se edhe bursat do të rriten, duke mos pasur asnjë të tillë poshtë minimumit jetik prej 200 eurosh

“Mbroni universitetet u bëjmë thirrje, u dilni zot vendit tuaj me universitetet, sepse ligji i ri, që është në kundërshtimin më flagrant me Kushtetutën e vendit dhe vendimet e Gjykatës Kushtetuese, de facto i varros ato si institucione të kërkimit shkencor. I përthan, i shndërron në shkolla pa vlerë. I shndërron në shkolla të regjimit që nuk i duhen asgjë kombit të vet dhe popullit të vet. Ndaj dhe thirrja ime, të angazhoheni në një betejë shpëtimtare për studentët. I garantoj studentët se në një akt të parë, tarifat e tyre do të përgjysmohen. Se në një akt të parë, nuk do ketë bursë në universitet nën minimumin jetik 200 euro. Garantoj pedagogët se në rast se sot, diferenca e buxhetit për shkencën është 8 herë më e ulët se në Serbi, se në Maqedoni, Mal të Zi dhe Kosovë, ajo do jetë një më një me këto vende dhe do të ecë drejt shifrave të BE-së. Ndaj dhe të bashkohemi në këtë betejë. Është radha jonë, është radha jonë, është radha jonë. Fitore, fitore, fitore!”/CNA





Lajmet e fundit nga