web counter
LEXO PA REKLAMA!

SHKARKO APP

App Store
Google Play

Video- Thellohen përplasjet në selinë rozë/ Deputeti socialist, drejt lënies së mandatit?

13 Dhjetor 2022, 11:43, Politikë CNA

Video- Thellohen përplasjet në selinë rozë/ Deputeti

Deputeti i Partisë Socialiste, Erion Braçe, ka paralajmëruar se do të lërë punën si deputet.

Përmes një postimi në "Facebook", Braçe shprehet se nuk po e lejojnë të kryejë detyrën e tij, për shkak të klientelizmit dhe për shkak se vendimmarrja në Kuvend është e "kapur".

Më tej në postimin e tij Braçe rikujton një amendim në ligj, për vendosjen e rregullit në treg dhe mbrojtjen e bujkut në raport me tregtarin, por u bllokua në Kuvend. Për këtë ai drejtoi "gishtin e fajtorit" ndaj deputetit socialist taulant Balla. 

Statusi:

“Këtë të enjte nuk ka parlament; punë në seancën plenare në parlament! Na i thanë sot, ndaj këtu s’ka këmbë njeriu. Por sot është data 13 dhjetor; ditë me ditë-6 muaj më parë, paraqita në kuvend nismën ligjore për të vendosur rregull në tregun bujqësor e blegtoral, në dimensionin e pagesave, për të garantuar bujqit, punën e tyre, prodhimin dhe te ardhurat prej tij. 

Troç: bujq e blegtorë të marrin paratë e punës së tyre brenda 50 ditëve! 6 muaj asnjë përgjigje!

Nga njëra anë nuk thonë dot jo, nuk dalin dot kundër, nga ana tjetër te bllokojnë dhe heshtin, një lloj skuthlleku politik i neveritshëm, i nxitur nga klientelizmi, kapja e vendimmarrjes në kuvend-me troç.

Sinqerisht nuk e vuaj mungesën e respektit institucional, procedural, njerëzor gjithashtu; por kjo është mungese respekti e kuvendit ndaj popullit te bujqësisë, i cili ka këtë hall dhe kërkoi të adresohet ligjërisht; po ligjërisht në këtë vend, nuk duhet të ketë qytetarë të dorës se dytë, por në fakt ka-janë punëtorët, prodhuesit e bujqësisë; Shikoni, kur ata blejnë, detyrimi ligjor është te paguajnë menjëherë ose brenda 45 ditësh, përndryshe detyrimi i tyre merret me forcë!

Por kur tek bujqit prodhues blejnë te njëjtët tregtare-ata qe me pare shisnin, paratë nuk paguhen as për 1 vit! Padrejtesi e pabarazi e turpshme! Kjo është! thellohet kur nuk gjejnë hapësire për te zgjidhur këtë padrejtësi!

Kur kam nisur këtë punë, as e dija e as e kërkova deputetin për honor, vanitet, pasurim gjithashtu; e doja si punë, e kam bërë si punë!

Por kur nuk te lënë te besh punën tënde, çfarë duhet bërë? Shikoni, ky bllokimi i punës nis si klientelizem dhe mbaron si personal, ndaj gjithnjë e më shumë është koha për punë tjetër; por deri atëherë dua tu sjell në vëmendje skandalin e ryshfeteve në parlamentin evropian.

Hiqni Katarin dhe vendosni një kartel grumbulluesish abuziv këtu dhe do kuptoni qe klintelizmi nuk njeh kufij, ne nivel me banal natyrisht!”, shkruan Braçe në postimin e tij.





Lajmet e fundit nga