web counter
LEXO PA REKLAMA!

SHKARKO APP

App Store
Google Play

E fundit!

x

Tabaku ‘i kërkon llogari’ Qeverisë për inceneratorët/ Politika t’i tregojë qytetarëve që ligji zbatohet njëlloj

12 Dhjetor 2022, 19:08, Politikë CNA
Tabaku ‘i kërkon llogari’ Qeverisë për
Deputetja e PD-së, Jorida Tabaku

Deputetja e PD-së, Jorida Tabaku, “i ka kërkuar llogari” Qeverisë për aferën e inceneratorëve, në Parlament.

Gjatë fjalës së saj, Tabaku hodhi akuzat se Komisioni Hetimor i Inceneratorëve është zbatimi në praktikë i sistemit të korruptuar.

Ajo deklaroi se tashmë ka ardhur momenti që politika t’i tregojë qytetarëve që ka një ligj, që duhet zbatuar për të gjithë njëlloj, ndërsa shtroi edhe disa pyetje.

“Ajo që po ri shohim prej muajsh që nga krijim i Komisionit Hetimor të Inceneratorëve është zbatimi në praktikë i sistemit të korruptuar. Ky është shteti i kapur të nderuar kolegë!

Për ta luftuar këtë shtet të kapur shqiptarët presin me kërshëri të dinë:

- Reforma në drejtësi që kemi vite që flasim a po i ndëshkon të paprekshmit në politikë dhe oligarki?

– Drejtuesi i SPAK ka përgjegjësinë të sqarojë opinionin publik, nëse këto të dhëna janë/kanë qenë pjesë e dosjes së SPAK? Janë shqyrtuar apo jo?

– A janë thirrur të gjithë ministrat vendimmarrës të aferës së inceneratorëve për të dëshmuar?

– Së fundi, a nuk duhet të gjejë guximin SPAK të hetojë të tre dosjet në një të vetme duke e hetuar dhe dërguar përpara bankës së gjykatës si një Grup i Strukturuar Kriminal?

Sot, politika ka nevojë t’i tregojë qytetarëve që ka një ligj, që duhet zbatuar për të gjithë njëlloj! Sot, duhet t’i tregojmë që pushteti nuk ndikon, që politika nuk ndikon! Sot është dita!

Prandaj diskutimet e fjalimet patetike për korrupsionin nuk kanë vlerë nëse dështojmë të japim mesazhin! Nuk kanë vlerë për sa kohë që na pëlqen drejtësia veç kur është kundër nesh, na pëlqen për sa kohë gjuan e heton veç kundërshtarin!”, u shpreh ajo./  B.A. – CNA.al





Lajmet e fundit nga