web counter
LEXO PA REKLAMA!

SHKARKO APP

App Store
Google Play

E fundit!

x

Meta nxjerr Blushin në sulm/ Akuza Qeverisë për përmbytjet

12 Dhjetor 2022, 15:53, Politikë CNA
Meta nxjerr Blushin në sulm/ Akuza Qeverisë për përmbytjet
Tedi Blushi , Sekretari i Përgjithshëm i Partisë së Lirisë

Tedi Blushi, Sekretari i Përgjithshëm i Partisë së Lirisë së Ilir Metës, ka hedhur akuza ndaj Qeverisë gjatë një deklarate për shtyp, për përmbytrjet nga reshjet e dendura.

Blushi pretendon se alarmi i përkeqësimit të motit nuk është marrë seriozisht nga institucionet shtetërore.

Sipas tij, kryeministri Edi Rama nuk ka prioritet pronat e shqiptarëve që janë nën ujë, por vjedhjet me inceneratorët dhe koncensionet korruptive.

“Është papërgjegjshmëri ekstreme dhe e dënueshme ligjërisht, që alarmi mbi rrezikun e përmbytjeve në vend, me pasoja tepër të rënda, nuk është marrë seriozisht nga institucionet shtetërore, duke vënë në rrezik jetën, shëndetin dhe pronat e mijëra qytetarëve në mbarë vendin, qartësisht të braktisur në mëshirë të fatit.

Shteti duhet të ishte ngritur në këmbë prej kohësh, por për Edi Ramën dhe bandën e “Rilindjes” prioritet janë vjedhjet me inceneratorët dhe koncensionet korruptive dhe jo pronat e shqiptarëve që sot janë nën ujë.

Sipas të dhënave nga terreni, me qindra hektarë tokë rezultojnë të përmbytura në Tiranë, Shkodër, Lezhë, Shijak, Krujë, Fier, Gjirokastër, Vlorë, ndërkohë që raportohen se vetëm në Lezhë mbi 410 hektarë tokë ndodhen sot nën ujë.

Përmbytja e Shqipërisë nuk është nga shiu por nga korrupsioni i Qeverisë së Edi Ramës, që reflektohet jo vetëm në shpërdorimin e fondeve publike të përcaktuara për emergjencat civile por edhe në cilësinë e dobët të investimeve, kryesisht në rrjetet kulluese”, deklaroi ai ndër të tjera./ B.A. – CNA.al





Lajmet e fundit nga