web counter
LEXO PA REKLAMA!

SHKARKO APP

App Store
Google Play

E fundit!

x

Veliaj tur falenderues në njësinë 10 në Tiranë: Fitorja është përgjegjësi

3 Qershor 2023, 13:03, Politikë CNA

Veliaj tur falenderues në njësinë 10 në Tiranë: Fitorja

Kryebashkiaku i Tiranës, Erion Veliaj u ndal në Njësinë 10, ku shprehu mirënjohjen për votëbesimin e marrë nga komuniteti i kësaj njësia në zgjedhjet e 14 Majit.

Veliaj tha se Partia Socialiste e sheh fitoren e 14 Majit si një përgjegjësi të madhe për të konvertuar mbështetjen qytetarëve me më shumë punë e besim.

“Ka dy mënyra se si mund ta menaxhojmë këtë fitore të madhe: Mund të themi se 60 mijë vota diferencë është fitorja më masive, më historike e një partie; ose mund të themi se një fitore kaq e madhe është edhe një përgjegjësi po kaq e madhe. Shumica e popullit na e dha këtë përgjegjësi, ndaj duhet të sigurojmë që këto 60 mijë vota diferencë t’i kthejmë në 60 mijë mundësi komunikimi, në 60 mijë mundësi përbashkimi dhe në 60 mijë ide dhe projekte për ta bërë Tiranën më të mirë, jo vetëm për ata që na votuan, por për secilin prej atyre që votoi, pavarësisht se mendojnë ndryshe nga ne, për të treguar që ajo që ne na bën të fortë nuk është arroganca, por përulësia, mëngët e përveshura, fjala mbajtur dhe punët e kryera. Kjo është filozofia që do na bëjë fitues edhe në mandatin tjetër", tha Veliaj.

 





Lajmet e fundit nga