web counter
LEXO PA REKLAMA!

SHKARKO APP

App Store
Google Play

E fundit!

x

“Sot kanë sjellë 100 forca të Gardës”/ Paralajmërimi i Bardhit

1 Nëntor 2023, 14:39, Politikë CNA
“Sot kanë sjellë 100 forca të Gardës”/
Gazment Bardhi

Kreu i Grupit Parlamentar të PD-së, Gazment Bardhi,  ka bërë me dije se opozita është e vendosur që të mos lejojë veprimtarinë normale të parlamentit derisa opozitës t’i reskpektohen të drejtat.

Në një prononcim për mediat, Bardhi bëri me dije se sot në Kryesinë e Kuvendit, ku u zhvillua mbledhja e Konferencës së Kryetarëve, 100 forca të Gardës së Republikës ishin prezente për të mos lejuar deputetët e opozitës të hynin në mbledhje.

“Duhet të respektohet e drejta kushtetuese e deputetëve të opozitës për llogaridhënie të qeverisë. Ka të bëjë me vijimin apo përmbushjen e një detyrimi që rrjedh nga disa raporte të OSBE-ODIHR për zhvillimin e Reformës Zgjedhore. Mazhoranca nuk respekton të drejtën e opozitës që të përfaqësohet me ato që do në tryezën e Reformës Zgjedhore. Ka një tallje apo ndërhyrje të vazhdueshme që kryetarja e parlamentit bën me punët e grupit të PD-së. Jemi të vendosur që të mos lejojmë veprimtarinë normale të parlamentit derisa opozitës t’i respektohen të drejtat e saj. Dua të shpreh vendosmërinë time se mazhoranca ta harrojë që të kryejë veprimtarinë normale. Kanë sjellë sot 100 forca të gardës së republikës”,  tha Bardhi./ CNA





Lajmet e fundit nga