web counter
LEXO PA REKLAMA!

SHKARKO APP

App Store
Google Play

E fundit!

x

Rama: 20% më shumë studentë në shkencat bujqësore, nevojë dhe kontribut për vendin

3 Nëntor 2025, 11:16, Politikë CNA


Kryeministri Edi Rama ishte sot i pranishëm në Konferencën Ndërkombëtare mbi Shkencat e Jetës dhe Bujqësinë që po mbahet në Universitetin Bujqësor të Tiranës.

Në fjalën e tij, Rama u ndal te rëndësia e vijimit të studimeve në këtë fushë, që sipas tij kërkon më shumë burime njerëzore.

Rama tha se studimet në shkencat bujqësore janë jo vetëm një mundësi e mirë profesionale, por edhe një nevojë për t’i shërbyer më shumë vendit.

“Konferenca është e veçantë sepse zhvillohet në një atmosferë transformimi të UB-së. Dua vetëm të kthehem një çast në një moment retrospektiv, kur mora një sens urgjence dhe paniku nga ulja e numrit të studentëve. Do të dëmtohej totalisht sektori bujqësor për nga burimet njerëzore. Të synojmë t’i japim universitetit markën e ekselencës dhe të frymëzojmë vajza dhe djem me këtë perspektivë përmes një mundësie të re që jep forcën e dijes për të qenë të nevojshëm për vendin dhe kudo tjetër. Është vetëm fillimi dhe ka rezultuar me 20% më shumë studentë, por jo me mesatare të ulur, por me studentë që kanë trokitur në derën e universitetit për të parë të ardhmen në këtë fushë, që pavarësisht zhvillimeve teknologjike dhe profesioneve të lakmuara, do të jetë një fushë aq jetike sa vlerësimet për njerëzit që jetojnë në këtë fushë do të jenë të mëdha”,-tha Rama./CNA





Lajmet e fundit nga