E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Dy fytyrat e shpifura të Agron Gjekmarkajt

2 Nëntor 2025, 13:20, Politikë CNA

Nënkryetari i Partisë Demokratike, Agron Gjekmarkaj ka shfaqur dhe njëherë tjetër dyfytyrësinë e tij.

Në ditën e ndarjes nga jeta të ish-kryeministrit Fatos Nano ka shkruar se ai do të kujtohet si një figurë themelore në tranzicionin politik të vendit.

Një reagim hipokrit, pasi me një kërkim të bërë, rezulton se Gjekmarkaj nuk ka pasur të njëjtim mendim për Nanon. Në një shkrim të vitit 2021, pas një rikthimi në ekranë të ish-kryeministrit, Gjekmarkaj e quante Nanon një karikaturë.

Rishfaqjen e tij në televizion Gjekmarkaj e kishte cilësuar si “krehje për mjekrën e Ramës”.

“U shfaq në emisionin e mirënjohur “Opinion” të Blendi Fevziut me mjekër dhe flokë të lyer me bojë të mirë, por i ri nuk dukej më në asgjë! Edhe gromësimat i kishte të lodhura e të rrafshta, cinizmin si shpatë pa teh dhe tehu ishte shndërruar në krehër për mjekrën e Edi Ramës”, shkruante Gjekmarkaj 4 vite më parë.

Megjithatë ky nuk është rasti i parë dhe as i vetëm, që Agron Gjekmarkaj shfaq dyfytyrësinë e tij.

Fillimisht kur hyri në politikë apo dhe përpara, ai ishte një mbështetës i flaktë i Sali Berishës.

Më pas, kur PD-ja u përça, Gjekmarkaj deklaronte se ai nuk do të ishte kurrë një deputet i Berishës dhe PD nuk mund t’u rikthehej vlerave perëndimere nën drejtimin e Berishës.

“Unë nuk do të jem kurrë një deputet i Sali Berishës, do jem deputet i Lezhës dhe i PD në mënyrë që kjo parti të kthehet tek vlerat perëndimore dhe miqësia me SHBA.

I bindur që Partia Demokratike nuk mund t’i rikthehet vlerave perëndimore me Sali Berishën në krye të saj, mbështet rezistencën e Enkelejd Alibeaj”, deklaronte Gjekmarkaj në vitin 2022.

Ndërsa sot, si për të na bindur për pafytyrësinë e tij, Gjekmarkaj jo vetëm që është një deputet i PD-së të drejtuar nga Sali Berisha, por është dhe nënkryetar i asaj partie.

Madje e quan kryetarin e PD, një aset të pashmangshëm të partisë dhe historisë.

“Berisha është një aset i pashmangshëm i historisë dhe i PD-së. Raportin e tij me partinë nuk e përcakton vullneti i askujt, por e ndan mbështetja e demokratëve”, deklaroi pak ditë më parë Gjekmarkaj.

Agron Gjekmarkaj nuk është gjë tjetër, thjesht një palaço politik i “thesit” të Lulzim Bashës. Njerëz që janë në politikë vetëm se lëpijnë sa nga njëri krah, në krahun tjetër./CNA