web counter
LEXO PA REKLAMA!

SHKARKO APP

App Store
Google Play

Rama kritikon Europën: Nuk ka ende planin e saj të paqes për t’i dhënë fund luftës në Ukrainë

31 Tetor 2025, 19:26, Politikë CNA

Rama kritikon Europën: Nuk ka ende planin e saj të paqes për

Kryeministri Edi Rama ndau një kritikë ndaj vendeve të Europës, pasi nuk ka ende planin e saj për t’i dhënë fund luftës në Ukrainë.

Gjatë një interviste për median franceze TV 5 Monde, Rama u shpreh se Europa duhet të reflektojë për paqen.

Rama tha se zgjidhja nuk duhet parë vetëm në drejtim të fondeve, por edhe të diplomacisë.

“Ky është problemi. Dhe nëse po flasim për paqen, dhe nëse po mbajmë një forum kushtuar paqes këtu në Paris, atëherë duhet të reflektojmë mbi një fakt shumë të thjeshtë, dhe sipas mendimit tim, një fakt shumë të rëndësishëm: se vetë Europa nuk ka ende planin e saj të paqes për t’i dhënë fund luftës në Ukrainë. Kjo nuk do të thotë se ajo që po bëjmë me fondin e ndihmës për Ukrainën, ose me fondin që mbështet forcën ushtarake të Europës, nuk është e drejtë, por do të thotë që nuk mund të shkojë vetëm në këtë drejtim, sepse duket sikur diplomacia ka vdekur, dhe tani mbetet vetëm tamburi i luftës. Kjo është e papranueshme”,-tha Rama./CNA

 

 





Lajmet e fundit nga