web counter
LEXO PA REKLAMA!

SHKARKO APP

App Store
Google Play

E fundit!

x

Projekti i gazifikimit në Korçë/ Balluku: Në këtë bashki kemi një nga nuklat më të rëndësishme të turizmit

19 Prill 2025, 13:03, Politikë CNA

Projekti i gazifikimit në Korçë/ Balluku: Në

Kryeministri Edi Rama, së bashku me zëvendëskryeminsitren, njëherësh ministre e Energjisë dhe Infrastrukturës, Belinda Balluku, ishin të pranishëm në prezantimin e projektit të gazifikimit në Korçë.

Gjatë fjalës së mbajtur, minsitrja Balluku tregoi se pse ky projekt u nis nga Korça, qark për të cilin tha se kishte një konsumator model.

Më tej Balluku tregoi se ishin dhe dy arsye të tjera për zgjedhjen e Korçës, fakti që është një nga nuklat më të rëndësishme të vendit për turizmin dhe është qarku me bujqësinë më të zhvilluar pas Myzeqesë.

“Korça, ndër pozicionet më të volitshme për të nisur si gur prove, bashkë me Elbasanin dhe Fierin. Vendosëm të ishte Korça sepse kemi 1 konsumator model, i cili ka treguar se të gjitha pilotimet që janë bërë kanë qenë të suksesshme, ka paguar gjithmonë fatura dhe nuk ka pasur frikë të testojë. Në këtë bashki kemi një nga nuklat më të rëndësishme të turizmit të vendit, flitet për një turizëm në 4 sezone. Komponenti i tretë është për shkak se pas Myzeqesë, Korça është qarku me bujqësinë më të zhvilluar dhe me volumin më të madh të prodhimit”, tha Balluku./ CNA





Lajmet e fundit nga