E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Ua dhashë recetën se si ta diagnostikoni një çyryk”/ Rama vijon batutën në takimin me gratë

18 Prill 2025, 16:47, Politikë CNA

“Ua dhashë recetën se si ta diagnostikoni një

Kryeministri Edi Rama ka qenë i pranishëm në një takim me gratë e qarkut Lezhë. Gjatë fjalës së mbajtur, Rama vijoi sërish batutën e tij se gjysma e burrave janë çyrykë.

Kryesocialisti tha se kush insiston që është me kënetën, duke nënkuptuar opozitën, e ka thënë me fjalët e tij se është çyryk. Rama iu drejtua grave duke u thënë se ua dhe dhe recetën si të dallojnë një burrë çyryk. Më tej Rama tha se burrat me mend në kokë e pranojnë humorin e bërë nga ai dhe e dinë që pa gratë janë çyrykë.

“Burrat japin mend e mend nuk kanë. Tani unë nuk e di, mund të jenë më shumë se gjysma, po unë them gjysma janë. Mos të ishin gjysma e burrave çyrykë e dini ku do ishte Shqipëria sot apo jo. Se burrat e kanë pasur në dorë për një kohë të gjatë. A është normal një burrë që shkon e hidhet në kënetë me kokë?

Në momentin që insiston jam me kënetën, e ka thënë me fjalët e veta që është çyryk.

Ka dhe 1 tipar tjetër burri çcyryk, nuk pranon humorin fare. Janë në gjendje të të marrin me libër shtëpie dhe iu duket një gjë normale. Po t’ua kthesh me të njëjtën mënyrë nuk u bën shumë përshtypje. Por po të bësh shumë humor me ta, çmenden. Ua dhashë recetën se si ta diagnostikoni një çyryk.

Ajo gjysma e burrave që janë me mend në kokë nuk mërziten nga këto që them unë, se e dinë që pa gratë janë çyrykë. Çyrykët e dinë dhe mazalla se e pranojnë. Unë e pranoj për vete, pa gruan time jam ndërtim pa leje”, tha Rama./ CNA