E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

“Korça, shembull i reformave”/ Peleshi: Më 11 maj votojmë për të vazhduar rrugën europiane

18 Prill 2025, 15:37, Politikë CNA

“Korça, shembull i reformave”/ Peleshi: Më 11 maj

Në një takim me banorët e Lagjes 18 në Korçë, drejtuesi politik i Partisë Socialiste për qarkun, Niko Peleshi, theksoi rëndësinë e zgjedhjeve të 11 majit si një moment kyç për të ardhmen e vendit. Peleshi vuri theksin te rruga e reformave që qeverisja socialiste ka ndërmarrë gjatë këtyre 12 viteve.

Ai nënvizoi se Shqipëria ndodhet në prag të një kapitulli të ri, ku mandati që nis me votën e 11 majit do të jetë mandati i anëtarësimit të plotë në Bashkimin Europian.

Peleshi përmbylli fjalën e tij me thirrjen për një pjesëmarrje masive në votime dhe për mbështetjen e Partisë Socialiste si mënyra më e qartë për të garantuar vijimin e transformimit europian të Korçës dhe të gjithë Shqipërisë.

“Reformat në drejtësi, në ekonomi, në arsim dhe në shëndetësi nuk kanë qenë të lehta, por kanë qenë të domosdoshme. Sot ne flasim për paga dhe pensione më të larta, për një administratë më efikase dhe për një shtet që funksionon gjithnjë e më shumë në shërbim të qytetarëve. Sot nuk kemi thjesht një zgjedhje për një forcë politike, por një vendim për të ardhmen e fëmijëve tanë. Është momenti të qëndrojmë të bashkuar dhe të mos e lëmë Shqipërinë të kthehet pas. Vetëm me Edi Ramën dhe Partinë Socialiste mund ta çojmë këtë rrugëtim deri në fund”, tha Peleshi./ CNA