web counter
LEXO PA REKLAMA!

SHKARKO APP

App Store
Google Play

E fundit!

x

Pas marrjes në pyetje të Metës/ Astrit Patozi thirrje SPAK: Hetoji të gjithë

22 Shkurt 2023, 22:43, Politikë CNA
Pas marrjes në pyetje të Metës/ Astrit Patozi thirrje SPAK:
Ish-koordinatori i Bindjes Demokratike, Astrit Patozi

Ish-koordinatori i Bindjes Demokratike, Astrit Patozi, ka bërë një thirrje për SPAK, teksa ka komentuar marrjen në pyetje të Ilir Metës për çështjen ÇEZ-DIA.

Patozi tha në emisionin e Erla Mëhillit SPAK duhet t’i thërrasë të gjithë personat e përfshirë në dosjet e nxehta.

Ai deklaroi se hetimi do të nxjerrrë se kush ka përgjegjësi dhe kush jo në aferat korruptive.

“SPAK le t’i thërrasë të gjithë. Le të hetojë inceneratorët, le të hetojë ÇEZ-in, le të hetojë Gërdecin, le të hetojë gjithçka, le ta hetojë dhe McGonigal pavarësisht që më mirë se në Amerikë nuk hetohet në Shqipëri, aq më tepër kur janë këto paragjykimet se pse e filloi me Ilir Metën, pse nuk shkoi te Edi Rama.

Dhe dua të them se thelbi është kjo, a janë të vërteta këto çështjet? A ka përgjegjësi vërtetë politika dhe administrata e lartë shtetërore?

Hetimi do t’i nxjerrë dhe ne nuk kemi pse trembemi. Në rast se Ilir Meta është i pafajshëm nuk k apse shqetësohet fare për këtë gjë. Po ashtu dhe të tjerët nga pala tjetër, ata të inceneratorëve. Uroj të mos ketë përgjegjësi për këtë çështje po këtë e ndan drejtësia dhe jo ai, se ai është në konflikt të pastër interesi”, theksoi Patozi./ B.A. – CNA.al





Lajmet e fundit nga