web counter
LEXO PA REKLAMA!

SHKARKO APP

App Store
Google Play

E fundit!

x

Me deputetë të përjashtuar/ Zbulohet strategjia e opozitës në seancën e nesërme

22 Shkurt 2023, 14:07, Politikë CNA

Me deputetë të përjashtuar/ Zbulohet strategjia e opozitës

“Nesër u bëj thirrje qytetarëve që të protestojmë me fuqinë më të madhe përpara parlamentit.

Ky është parlament i krimit.

Sikundër deputetët tanë do të bëjnë një përpjekje të jashtëzakonshme për arritjen e qëllimeve të tyre”, është shprehur kreu i PD-së, Sali Berisha.

Sipas tij, para botës ka një parlament të vetëm që ka përjashtuar 23 deputetë vetëm që Edi Rama të mos hetohet për krimin që ka kryer, për korruptimin e zbuluesit kryesor të vendit partner dhe mik të Shqipërisë.

"Rama dhe Balla duan ta zëvendësojnë ligjin e Lustracionit"

Ndër të tjera, Berisha tha se nesër do të vazhdojnë betejën për të informuar qytetarët janë 40 nisma legjislative të opozitës, të cilat Linda e parlamentit i ndryn në sirtar me urdhër të Edit të qeverisë. Ky është asgjësimi de facto i fuqisë legjislative të opozitës.

Sipas Berishës, një nga ligjet më të rëndësishme që kemi dërguar prej muajsh është ligji i Lustracionit, por këtë ligj, i cili është i standardeve ndërkombëtare më të mira, Edi Rama dhe Taulant Balla duan ta zëvendësojnë me një amendament për gjah shtrigash në Kodin Elektoral.

“Në kombinim apo jo me Alibashën, nuk e di, por ai që nisi si amendament i Alibashës, përfundoi si amendament i Ballës.

Por kjo është histori turpi. Një shtet serioz, një proces serioz siç është lustracioni, e bazon në ligj të veçantë, si të gjitha vendet ish-komuniste.

Ai nuk mund të përdoret për gjah siç po përdoret nga Edi Rama. Në nenin respektiv të këtij ligji, parashikohet humbja e të drejtës për kandidim në organet e zgjedhura, në postet e rëndësishme për të gjithë informantët, bashkëpunëtorët e Sigurimit të Shtetit, për të gjithë oficerët dhe për nomenklaturën.

Prandaj qytetarë dhe qytetare, nesër në ora 10, duhet të jemi të gjithë para parlamentit për të bërë që zëri ynë të dëgjohet, që revolucioni të vazhdojë fuqishëm deri në fitoren e tij”, është shprehur Berisha./CNA.al





Lajmet e fundit nga