web counter
LEXO PA REKLAMA!

SHKARKO APP

App Store
Google Play

Nga dorëheqjet te Primaret/ Si pritet të ndryshojë grupi parlamentar i PD-së

13 Dhjetor 2022, 13:55, Politikë CNA
Nga dorëheqjet te Primaret/ Si pritet të ndryshojë grupi
Foto ilustruese, Kuvendi i Shqipërisë

Deputetët e Partisë Demokratike, Oriela Nebiaj dhe Petrit Doda që zëvendësuan Grida Dumën dhe Alfred Rushajn, nuk do të jenë ndryshimet e vetme në grupin e deputetëve demokratë.

Lista e deputetëve të PD-së pritet të ndryshojë gjatë muajve të ardhshëm, në të paktën 3 qarqe, kjo për shkak se deputetët do të dorëhiqen për t’u futur në garën e 14 majit.

Deputeti Belind Këlliçi, i cili është zgjedhur me 11 601 vota preferenciale në zgjedhjet e 25 prillit 2021, do të heqë dorë nga mandati i deputetit, për t’ia lënë vendin kështu Asllan Dogjanit.

Sipas renditjes, Dogjani ishte i 35-ti në listë dhe futja e tij në parlament dukej thuajse e pamundur, por së fundmi ai ka deklaruar se do ta pranojë mandatin e deputetit.

Gjithashtu edhe deputeti Luçiano Boçi do të lërë mandatin e deputetit për të njëtën arsye si Belind Këlliçi. Në zgjedhjet e 25 prillit ai mori 10 930 vota preferenciale dhe do të zëvendësohet nga Qani Xhafa, i cili në zgjedhjet e 25 prillit mori 4200 vota preferenciale.

Sakaq edhe në listat e Shkodrës do të ketë ndryshime, pasi deputeti Zef Hila do të kandidojë për postin e kryetarit të bashkisë dhe vendin e tij do ta zërë Ludovik Hasani që në zgjedhjet parlamentare mori 3810.

Këto tri zëvendësime pritet të bëhen në mars, kur tre deputetët do të regjistrohen zyrtarisht në KQZ si kandidatë për kryetarë bashkie./CNA.al





Lajmet e fundit nga