web counter
LEXO PA REKLAMA!

SHKARKO APP

App Store
Google Play

E fundit!

x

“Morëm në dorë Tiranën”/ Berisha: Kjo ishte protesta e ndërgjegjes

25 Janar 2026, 12:30, Politikë CNA

“Morëm në dorë Tiranën”/ Berisha: Kjo ishte

Kreu i PD-së, Sali Berisha, në një deklaratë për mediat ka folur për protestën e një dite më parë. Ai është shprehur se guximtarët morën në dorë Tiranën, duke e cilësuar si protestën e ndërgjegjes.

“Dje për tri orë kryengritësit guximtarë morën në dorë Tiranën, bulevardin, sheshet e saj. Në një protestë të fuqishme qindra mijëra qytetarë nga Tirana dhe mbarë Shqipëria u përballën me guxim të jashtëzakonshëm për më shumë se tri orë me fallangat e krimit të narkoregjimit të Edi Ramës.

Nderim të madh të gjithë atyre qytetarëve, djemve, vajzave, burrave dhe grave, të moshuar, që nga Tirana dhe mbarë Shqipëria protestuan në mënyrën më të vendosur kundër rilindjes kalbësirë, kundër organizatës kriminale të Edi Ramës.

Protesta e tyre nuk kishte lidhje me ndërtesat, as dhe institucionet kushtetuese. Protesta, revolta, zemërimi i qytetarëve shqiptarë dje dhe që zien sot në të katër anët e vendit dhe në diasporë, ka lidhje vetëm me Ramaduron, vjedhjet e tij qindra milionëshe e miliarda euro, lidhjet e tij me krimin e organizuar, kartelet e drogës.

Lidhet me Lubi Ballukun, Lindat e Ramës, ajo e AKSH-it dhe e Surrelit, Ergys Agasin dhe qeveritarët e tjerë hajdutë.

Dje regjimi u trondit nga themelet. Dje qytetarët triumfuan në rrugët dhe sheshet e Tiranës. U bënë zëri i ndërgjegjes së njerëzve të ndershëm, të cilët nuk pajtohen kurrë me një qeveri me lidhje të tmerrshme me drogën dhe krimin.

Nuk pajtohen kurrë me një qeveri që nuk del nga vullneti i tyre, por nga farsa elektorale. Nuk pajtohen kurrë me një qeveri që vjedh 97% të taksave të tyre dhe të çmendurisht të gjitha pasuritë publike.

Dje ata ishin vetë ndërgjegja e kombit në betejë. Ata i përcollën mesazh çdo shqiptari se nuk po luftojmë për veten tonë, se nuk po luftojmë për Sali Berishën, se nuk po luftojmë për Partinë Demokratike, as dhe parti të tjera, se po luftojmë për ndërgjegjen e njeriut, për dinjitetin njerëzor, për interesin kombëtar.

Po luftojmë dhe për ju që po na ndiqni në televizione, po luftojmë dhe për juve që mund të mos ju pëlqejë protesta. Në fakt, po luftojmë dhe do të luftojmë për çdo shqiptar. Kjo është veçantia e kësaj proteste.

Kjo është protesta e ndërgjegjes dhe nuk ka asgjë më të fuqishme, nuk ka asgjë më të pathyeshme, nuk ka asgjë më të pamposhtur sesa ajo që buron nga ndërgjegjja e njeriut”, tha Berisha./ CNA





Lajmet e fundit nga