web counter
LEXO PA REKLAMA!

SHKARKO APP

App Store
Google Play

I cilësoi demokratët si parazitë/ Strazimiri "grushton" Alibeajn

17 Nëntor 2022, 14:32, Politikë CNA

I cilësoi demokratët si parazitë/ Strazimiri "grushton"

Anëtari i Kryesisë së PD-së Gent Strazimiri ka reaguar pas deklaratës së Enkeled Alibeajt në Kuvend, i cili u shpreh se nuk pranon parazitë në opozitë dhe se nuk përfaqëson asnjë që nuk lidhet me të.

Përmes një postimi në Facebook, Strazimiri u shpreh se në fakt Enkelejdi sot sapo hodhi poshtë të gjithë votuesit që i besuan Partisë Demokratike, votën e tyre, që sakrifikuan për vite me radhë për opozitën, dhe se ky votues sot sapo kuptoi që një personazh politik i votuar nga populli refuzon t’i përfaqësojë ata, duke i konsideruar si njerëz “jo dinjitozë”.

Në përfundim të reagimit të tij Strazimiri u shpreh se këtyre personave qytetarët duhet t’ua japin përgjigjen kudo që t’i shohin.

Postimi i plotë:

Ky është një lajm i mirë, si çdo e vërtetë e sinqertë!

Të gjithë ju "parazitët":

* që 8 vite rrjesht u cfilitët në mitingje e protesta, 

* që thithët gaz e u lagët në shi e prapë nuk lëvizët nga vendi,

* që u rropatët nëpër në çadra,

* që harruat familjet dhe hallet tuaja për të mbledhur vota për këta...

* që prisnit fillimin e "betejës finale", "pa kompromis"

* që mbushët stadiumin në 11 dhjetor,

* që i shkarkuat me referendum në 18 dhjetor,

* që u treguat se kush dhe sa jeni me 6 mars,

* që zgjodhët me votë të lirë drejtuesit tuaj me 22 maj e më pas në prill,

* që mbushët sheshin në 7 korrik e në 12 nëntor...

* që ende prisni t'ju përfaqësojnë...

sot më në fund e morët vesh nga goja e tyre (citoj):

* se NUK DUAN T'JU PËRFAQËSOJNË!!!

* se ME JU NUK I LIDH ASGJË!!!

* pasi NUK JENI NJERËZ DINJITOZË....

?????? Vlerësojeni si një moment sinqeriteti, dhe po aq sinqerisht dhe drejtpërdrejtë jepuni xhevapin, kudo që t'i shihni??????

#qëndro_në_këmbë_demokrat

#asnjë_hap_pas/CNA.al

 

 





Lajmet e fundit nga