web counter
LEXO PA REKLAMA!

SHKARKO APP

App Store
Google Play

E fundit!

x

"Opozita ka thirrur popullin të flasë në parlament"/ Berisha:12 nëntori do të vazhdojë këtu

17 Nëntor 2022, 11:15, Politikë CNA

"Opozita ka thirrur popullin të flasë në parlament"/

Kreu i PD-së, Sali Berisha nga rrjetet sociale, ka thënë se 12 nëntorit do të vijojë në Kuvend.

“Ndaj dhe sot, ju garantoj se sot do jetë një ditë në lartësinë e 12 nëntorit, por shumë shpejt ajo datë do të kalohet nga protestat e tjera të fuqishme para parlamentit”, ka thënë Berisha.

Deklarata e plotë:

Këta diskutojnë për Europën me hijen e tmerrshme të djegësave, me hijen e tmerrshme që po përgatisin me portin e Durrësit.

Sot me Europën nuk kanë asnjë lidhje.

Sot, Taulant Sharra, flet në emër të vasalit të Vuçiçit.

E vërteta është se Edi Rama është avokati numër një i Vuçiçit.

Të gjitha këto e kanë detyruar opozitën të thërrasë popullin, të flasë në këtë parlament. Ky parlament nuk duhet të ekzistojë më, ky parlament duhet të marrë fund.

Ndaj dhe sot, ju garantoj se sot do jetë një ditë në lartësinë e 12 nëntorit, por shumë shpejt ajo datë do të kalohet nga protestat e tjera të fuqishme para parlamentit.

Europa dhe bota do marrë vesh, se hajdutët nuk mund të sjellin kurrë stabilitet.

Se hajdutët varfërojnë, se hajdutët nuk kanë moral, se hajdutët janë të aftë të kryejnë çdo veprim, çdo krim ndaj popullit të tyre.

Këto janë të vërtetat, fikeni sa të doni mikrofonin, por ja që është mrekullia e FB, që më lejon mua dhe çdo deputet të komunikojë me zgjedhësit dhe ndërkombëtarët.

Keni frikë nga parlamenti, ja ikën, iku investitorja strategjike./CNA.al





Lajmet e fundit nga