web counter
LEXO PA REKLAMA!

SHKARKO APP

App Store
Google Play

Habit Rama/ Enver Hoxha na afroi me SHBA-në

28 Korrik 2022, 11:31, Politikë CNA

Habit Rama/ Enver Hoxha na afroi me SHBA-në

Kryeministri Edi Rama gjatë fjalës së tij në aktivitetin e organizuar në kuadër të 100-vjetorit të marrëdhënieve diplomatike SHBA-Shqipëri, ka deklaruar se ish-diktatori Enver Hoxha ka kontribuar që të shtohet dashuria e shqiptarëve për Amerikën.

Sipas Ramës, aq më shumë që Enver Hoxha tentoi të mbillte urrejtje për SHBA-në, në fakt sipas tij ndodhi e kundërta dhe shqiptarët u rreshtuan në skajin tjetër.

“Konferenca e Paqes është momenti kur mori jetë kjo marrëdhënie kaq speciale.

Nuk besoj se ndodh në ndonjë vend tjetër që gjithë qeveria të mblidhen me ambasadoren e SHBA-së dhe të kremtojnë ditën kur kanë vendosur marrëdhënien diplomatike.  

Kjo nuk e bën aspak qesharake këtë që po ndodh në vendin tonë sepse ndryshe nga vendet e tjera pa ansjë përjashtim në këtë marrëdhënie ka hyrë në mes një histori e pangjashme me asgjë tjetër, që ka thelluar këtë nivel të marrëdhënies me SHBA-në.

Ne jemi këtu për 100-vjetorin e kësaj marrëdhënieje, në 28 korrik 1922 në ministrinë e jashtme mbërriti dokumenti zyrtar që njoftonte Qeverinë shqiptare se SHBA-ja e njeh Qeverinë shqiptare.

Është një 100-vjetor që vjen pas një historie që është përcaktuese sot, historia e ndarjes me dhunë e shqiptarëve dhe Shqipërisë nga bota dhe shkëputjes totale me SHBA-në, madje e vendosjes së SHBA-së në shënjestrën e përditshme të diktaturës komuniste.

Në një farë mënyrë Enver Hoxha është njeriu që ka punuar më shumë për këtë ditë që ne jemi këtu dhe për dashurinë e shqiptarëve për SHBA-në.

Ka punuar për gjysmë shekulli për t'i kthyer shqiptarët në dashnorët më të paepur për SHBA-në. Të gjitha ato që bëri regjimi për t'i larguar në ekstrem, i kthyen shqiptarët në ekstremin tjetër”-tha Rama./CNA.al





Lajmet e fundit nga