web counter
LEXO PA REKLAMA!

SHKARKO APP

App Store
Google Play

E fundit!

x

Gara në “Primare” për Bashkinë e Elbasanit/ Boçi: Kandidimi im nuk e dobëson aspak Berishën, forcon PD

15 Nëntor 2022, 22:20, Politikë CNA
Gara në “Primare” për Bashkinë e Elbasanit/
Nënkryetari i PD-së, Luçiano Boçi

Nënkryetari i PD-së, Luçiano Boçi, do të garojë në Primare për bashkinë e Elbasanit, ku sipas listës duket se nuk do të ketë asnjë kandidat tjetër përballë tij.

Gjatë një interviste në emisionin Log, i pyetur nëse lënia e amndatit të deputetit për të garuar a e dobëson gurpin e Sali Berishës duke qenë se ka patur shumë largime, Boçi u shpreh se iniciativa të tilla që vijnë dhe nga drejtues të tjerë forcojnë PD-në.

“Unë gjykoj që iniciativa të tilla që vijnë dhe nga drejtues të tjerë forcojnë PD-në. Jemi në një betejë që nuk duhet neglizhuar, pasi ka një valencë politike për shkak të zhvillimit të situatave politike në Shqipëri. Angazhime të tilla i shërbejnë PD-së. Edhe iniciativa ime nuk ka nota afrimiteti, janë thjeshtë detyrime politike të pranuara nga ana ime”, tha Boçi.

Ndërsa pyetjes se mos po largohen nga frika se në zgjedhjet e ardhshme, nuk do të jenë më deputetë, Boçi u përgjigj duke thënë se mandatin e tij nuk e ka marrë si benifti i listave, por falë një beteje që mund ta arrijë çdo politikan që ruan kontakten me njerëzit, komunitetin.

“Gjithmonë në vendimet politike nuk ka një arsye, ka disa arsye që janë të pranishme. Në raport me atë frikën e supozuar të mos marrjes së atij mandati, nuk është ndonje arritje e yllit polar për marrjen e mandatit. Është një korridor politik, por nga mënyra se si performohet nuk është ajo që mendohet. Në këtë raport nuk është frika që duhet të shkosh këtu se mos nuk shkojnë atje. Unë mandatin nuk e mora si benifit i listave, por është një betejë që mund ta rrijë çdo politikan që ruan raporte me komunitetin. Vendimi ka shumë faktorë brenda, që lidhen me atë që ne duhet t’i shërbejmë kësaj force politike që për shkak të rrethanave jemi në një pozitë jo të favorshme”, ka deklaruar Boçi./ CNA.al





Lajmet e fundit nga