web counter
LEXO PA REKLAMA!

SHKARKO APP

App Store
Google Play

E fundit!

x

Dosja “Partizani”/ Berisha: Krim politik, në majë të piramidës së hetimit qëndron mashtrimi

18 Shtator 2024, 15:35, Politikë CNA
Dosja “Partizani”/ Berisha: Krim politik, në majë të
Kryetari i Partisë Demokratike, Sali Berisha

Kryetari i Partisë Demokratike, Sali Berisha, në një konferencë me gazetarët, foli për akuzat e SPAK-ut, në lidhje me dosjen “Partizani”, për të cilën pretendon se është mirëfilltazi një krim politik.

Berisha e cilësoi SPAK-un si prokurori private të Edi Ramës, të cilën e akuzoi se po fsheh të vërtetën për privatizimin e klubit Partizani.

Kryedemokrati tha se prokurorët duhet të ishin rigorozë në zbatimin e ligjit, janë kthyer në skllevër dhe pengje mjerane të krimeve të tyre.

Por sipas tij, në majë të piramidës së hetimit qëndron mashtrimi.

“Dosja 'Partizani' është fund e krye një krim politik i mirëfilltë, një piramidë e vërtetë mashtrimi. Ju garantoj se do të bëhet çdo përpjekje për të vendosur para ligjit të gjithë ata që i kanë lejuar vetes, një shpifje, trillim, mashtrim, për arsye politike, për shkak të krimeve në të cilat janë vetë të përzier.

Por meqë jam në këtë çështje, kam një kërkesë të njerëzishme ndaj gazetarëve. Unë vlerësoj shumë angazhimin e tyre në debatin për këtë dosje dhe për çdo gjë, dhe i garantoj se kanë gjithnjë respektin tim, pavarësisht nga linja editoriale që mund të ndjekin. Por në këtë rast, më duhet t'u them gazetarëve dy gjëra. Konstatoj se tek-tuk prej tyre keqpërdoren në mënyrë ekstreme nga SKAP-i. Keqpërdoren se janë të marrë peng realisht dhe unë këtë do t'ua faktoj. Me këtë unë ju them kaq; do të trajtoj njëlloj si anëtarë të organizatës kriminale, SKAP-i i partisë. Me të tjerët të cilët janë profesionistë, kontribuojnë çdo ditë, mendoj se në dinjitetin e tyre është të marrin guximin, kur lexojnë pasazhe të piramidës së mashtrimit, të shtrojnë pyetje Sali Berishës, Jamarbër Malltezit se është në kodin e gazetarëve se si qëndron e vërteta. Ne jemi të gatshëm t'i përgjigjemi çdo pyetje që ata kanë, në mënyrë që të mos bëhen viktima të keqpërdorua të një materiali fund e krye, krim politik.

E them këtë, sepse unë besoj se në qoftë se një gazetar apo gazetare, ulet në një studio dhe lexon njëlloj sikur të ishte zëdhënës i Dumanit 1 mln eurosh pyetje, i ish-xhelatit të policisë sekrete të Enver Hoxhës, Arben Kraja dhe Millonajit, simotrës biologjike, mendoj se e fyen veten keq. Ai ose ajo, para se të lexojë, para se të bëjë deklarata që janë fund e krye mashtrim, para se të marrë përsipër të bëhet zëdhënës i mashtrimeve, le të zgjedhë çfarë të dojë nga ajo dosje dhe të pyesë, ose avokatët, ose Sali Berishën, ose Jamarbër Malltezin. Dhe ne jemi të gatshëm të bëjmë transparencë për çdo pyetje. Thashë edhe njëherë, këtu nuk bëhet fjalë për gjobëvënësit e Linda Ramës, për Bolinot, jo. Ata do të trajtohen njëlloj si anëtarë të oerganizatës kriminale, SKAP-i i partisë. Por këtu bëhet fjalë për të gjithë gazetarët e tjerë të cilët me përkushtim, raportojnë, njoftojnë, kryejnë detyrën e tyre”, deklaroi Berisha ndër të tjera./ CNA





Lajmet e fundit nga