web counter
LEXO PA REKLAMA!

SHKARKO APP

App Store
Google Play

E fundit!

x

Braimllari, akuza Veliajt/ “E ka fokusuar buxhetin e bashkisë tek inceneratori që nuk ekziston”

29 Tetor 2023, 14:00, Politikë CNA
Braimllari, akuza Veliajt/ “E ka fokusuar buxhetin e bashkisë tek
Nënkryetari i Partisë së Lirisë, Endrit Braimllari

Nënkryetari i Partisë së Lirisë, Endrit Braimllari, ka hedhur akuza ndaj kryebashkiakut të Tiranës, Erion Veliaj në lidhje me buxhetin e bashkisë.

Braimllari shkruan në rrjetet sociale se Veliaj e ka fokusuar buxhetin tek inceneratori i Tiranës që nuk ekziston.

Ai thotë se kryebashkiaku po vijon të paguajë miliona euro për inceneratorin që nuk ekziston, ndërkohë fermeri është lënë në mëshirë të fatit.

Gjithashtu, ai ngre pretendimet se buxheti i bashkisë është fokusuar edhe te tenderët korruptivë apo te fondi i pagave për militantët e imazhit të Veliajt.

Deklarata e plotë:

Buxheti i bashkisë Tiranë është i fokusuar totalisht tek inceneratori që nuk ekziston, tenderat korruptiv, fondi i pagave për militantët e imazhit të Veliaj dhe aspak për të promovuar bujqësinë dhe agroturizmin në Bashkinë e Tiranës.

Erion Veliaj paguan miliona euro për inceneratorin që nuk ekziston dhe që djeg çdo ditë paratë e qytetarëve të Tiranës ndërkoh fermeri është lënë në mëshirë të fatit.

Këshilltarët e Partisë së Lirisë në këshillin bashkiak Tiranë do të propozojnë iniciativa konkrete për të promovuar bujqësinë dhe agroturizmin me qëllim hapjen e vendeve të reja të punës.

Ne do të propozojmë në buxhetin e ardhshëm të bashkisë Tiranë për bujqësinë:
7 milionë euro të buxhetit të shkojnë çdo vit në financimin e skemave mbështetëse në bujqësi dhe blegtori.
- 3 milione euro për të mbështetur huamarrjen e fermerëve.
- 2 milionë euro të shkojnë si mbështetje për Produktet “Made in Tirana”, për prodhuesit dhe tregtarët e tyre, si dhe
- 1 milione euro si mbështetje për çertifikimin organik dhe bio te produkteve bujqesore.
- 0% taksa për të gjithë fermerët e Tiranës që do të shesin në Tregjet e gjelbërta.
Paketa mbështetëse për çdo fermer
10 mijë euro mbështetje në bazë materiale për çdo fermer që kërkon të nisë një biznes të ri në fshat, në blegtori, bujqësi, frutikulturë, akuakulturë, agrokulturë, bletari dhe agroturiz, për të prodhuar produkte agroushqimore për Tiranën.
Nëse Erion Veliaj do të kishte vëmendjen tek bujqësia dhe fermeri i Tiranës larg propagandës së tij sot do të kishim një realitet tjetër për fermerin, do të sillte hapjen e vendeve të punës, promovimin e produktit vendas dhe konsolidimin e Turizmit.
Korrupsioni, Abuzimi dhe përqëndrimi i Bashkisë tek betonizimi ka shkatërruar fermerin vendas i cili gjithçka në Tiranë e përballon vetë./ CNA





Lajmet e fundit nga