Blendi Fevziu: 4 gabimet fatale të Ilir Metës

21 Tetor 2024, 21:40, Politikë CNA

Blendi Fevziu: 4 gabimet fatale të Ilir Metës

Gazetari Blendi Fevziu

Katër kanë qenë gabimet në politikë të kreut të Partisë së Lirisë, Ilir Meta, sipas gazetarit Blendi Fevziu.

Gazetari deklaroi në një dalje televizive se gabimi i parë ka qenë largimi nga koalicioni me Sali Berishën në zgjedhjet e vitit 2013.

Gabimi i dytë, Fevziu tha se ishte largimi nga koalicioni me Edi Rama në zgjedhjet e 2017-ës, duke menduar se kryeministri do të humbte.

Ai u shpreh se gabimi i tretë ishte mosdalja në një listë të vetme në zgjedhjet e 2021-shit me opozitën.

“Unë mendoj që politikisht gabimet e Metës ishin dy; E para, largimi nga koalicioni me Berishën në 2013 duke menduar që Berisha e kishte humbur pjesën më të madhe të mbështetjes dhe duke menduar që duke shkuar këtej do krijonte përshtypjen publike që pushteti shkon nga shkon Meta. E sidomos në 2017, sepse largimi nga koalicioni me Ramën që ishte një lloj basti politik i Metës duke menduar që bërë një lëvizje Rama do të humbte, sepse nuk mendonte askush që Rama do merrte 71 vota i vetëm. Meta mendonte që me votat e veta do të luante ai përcaktuesin e fatit të qeverisë, qoftë me Bashën, qoftë me Ramën. Kjo nuk ndodhi sepse Rama i mori 71 mandate vetë që ishte moment i çuditshëm.

Pas kësaj, ishte gabim në gjykimin tim, mungesa e bashkimit me PD në zgjedhjet e 2021 që të kishin dalë me një listë të vetme do kishte qenë më efikase. Megjithëse atëherë ishte vonë. Nga ana tjetër, duhet thënë që Meta ishte nga politikanët që e konsideroi gabim largimin nga Parlamenti”, u shpreh ai.

Megjithatë, gabim fatal Fezviu cilësoi pranimin e postit të presidentit nga Ilir Meta.

“Unë mendoj që Meta ka bërë një gabim madhor përtej të gjithë këtyre, që pranoi të shkonte President në 2017. Meta ishte një lojtar në lojë. Në momentin që shkon president, je një lojtar që s’ke as fanelë, as mjete, madje as fushë ku të luash. Sepse President njeriu shkon në mbyllje të karrierës së tij. Kështu që Meta bëri një gabim fatal. Në qoftë se Meta do të kishte marrë presidentin, do të kishte mbyllur karrierën e tij si President dhe do ishte larguar, nuk do të kishte pasur një tjetër”, theksoi gazetari./ CNA