web counter
LEXO PA REKLAMA!

SHKARKO APP

App Store
Google Play

E fundit!

x

3 akuza ndaj Metës/ Gjokutaj: Do të përballet me procesin

21 Tetor 2024, 15:20, Politikë CNA
3 akuza ndaj Metës/ Gjokutaj: Do të përballet me procesin
Avokati Genc Gjokutaj

Avokati Genc Gjokutaj zbuloi 3 akuzat që rëndojnë ndaj kreut të Partisë së Lirisë, Ilir Meta, pas takimit me këtë të fundit në Drejtorinë e Policisë Tiranë.

Gjokutaj tha se Meta akuzohet për korrupsion, pastrim i produkteve dhe mosdeklarim i pasurisë.

Ai deklaroi se Meta është i vendosur të përballet me procesin, ndërsa hodhi akuza ndaj agjentëve të BKH-së, të cilët vunë Metën në pranga.

“Isha në takim me zotin Meta. Ai ka mbërritur këtu pas një rrëmbimi banditesk që i është bërë në rrugë me një sjellje tejet joligjore. E gjithë kjo histori ndodh me një person, i cili ka qenë disa herë në SPAK dhe ka dhënë disa herë shpjegime. Kjo çështje ka 5 vjet që është në duart e prokurorëve. Është momenti politik.

Qëndrimi i tij është krejt i qartë. I vendosur të përballet me procesin. Çdo gjë në këtë vendim, e ka marrë kohë përpara dhe është gati të përballet. Ankimimi i masës së sigurisë është akt procedural. Do të verifikohet njëherë ekzekutimi i vendimit.

Janë tri akuza, korrupsion, pastrim i produkteve dhe mosdeklarim i pasurisë. Kryemadhi është nën hetim. Ishte një takim si çdoherë tjetër vetëm në një ambient ndryshe. Mënyra se si është arrestuar është banditeske, rrëmbyer në rrugë ish-presidenti”, tha Gjokutaj./ CNA





Lajmet e fundit nga