E fundit!

10:01 Kronika

Shkatërrohet banda e “skifterëve” në Spanjë, arrestohen 6 shqiptarët që grabisnin banesa

Autoritetet spanjolle kanë mundur të zbërthejnë një or...

Nga Pëllumb Kulla/ Edhe për mua të shara?!!!

23 Shtator 2023, 11:30, Opinione Pëllumb Kulla

Pëllumb Kulla

Kurrë më parë ndonjëri nga shkrimet e mia të shumta nuk pati zgjuar interes dhe entuziazëm sa ky i fundit mbi gjestet e kryeministrit Rama, në Këshillin e Sigurimit.

Më kanë gëzuar mjaft pëlqimet dhe urimet. Është e natyrshme.

Por ka dhe që shkruajnë kundër meje dhe shajnë e shpifin pa fre. Një të tillë gjeta sot që në mengjes sapo hapa faqen e Facebook-ut.

Ai bile më akuzon se unë kam ndërruar fletë qëkur ai paska parë ëndërr sikur kam kërkuar e nuk jam plotësuar me gradime!...

E ç'më gjeti mua nga një shpifje më shumë!

Po riprodhoj dhe rreshtat e tij dhe përgjigjen time për të. Dhe jo vetëm për të!

Komenti i tij:

Lexoj që thonë këtu ke bërë shkrim brilant, kështu thosha e unë për ty kur lexoja shkrimet e tua më 1992, kur i ngrije lavde doktor Berishës e të bëri amasador në Amerikë... kur ti i kërkove të bëheshe Ministër i Jashtëm e Berisha nuk të beri, ke që nga ’97 vetëm vrer nxjerr për Berishën... ja kështu o Pëllumb o...

Përgjigja ime:

Zotëri, ti merakosesh për karakterin e artikullshkruesit? Lëre në mjerim atë dhe shiko punën tënde!

Nëse do kesh vullnet të bësh kërkime, kërko më 16 shtator 2013 në shumë gazeta, në DITA, TemA, Respublika.... apo në librin tim "Luftë pa fund" fq 616, këto rreshta:

"Dhe nëse ndonjëri mbledh buzët e nuk më kupton dhe më pyet se nga më mbiu e tërë kjo dashuri për Ramën, do t'i përgjigjem: Dashuri? Thjesht i uroj mbarësi.

Ja kësisoj e dua!

Por absolutisht nuk e dua, aq sa kam dashur Berishën në atë agim të viteve Nëntëdhjetë!"

Dhe të siguroj, zotëri, se sikur Rama të bëjë poshtërsira, të tradhëtojë interesat kombëtare, të hedhë në erë 26 vetë në ndonjë punishte baruti, e 100 bëma tragjike, unë nuk do ta dua më.

Unë, që tani kam shkruar shpesh kundër Ramës, po që s’e ke lexuar. E quaj fajtor për marrëveshjen zgjedhore të prillit 2008, e kritikoj për nevojën e një demokracie të brendshme në parti, e tjerë...

Por nëse ti merakosesh për karakterin tim, lëre! Merakosu më mirë për tëndin! Se shkrimi im është kundër teje, e cave si ty, që nuk ju zgjon entuziazmin edhe kur ai ngrihet në lartësira ku asnjë burrë shteti shqiptar nuk është ngritur më parë!

Nuk pranoni se ai deri tani ka arritur të jetë zëri më i lartë ndërkombëtar i shqiptarëve.

Kundër jush e kam, o mjeranë!