LEXO PA REKLAMA!

SHKARKO APP

Hapni krahun, Partia Demokratike nuk është pronë e juaja!!!

16 Maj 2023, 18:01, Opinione Andrea Bregu
Hapni krahun, Partia Demokratike nuk është pronë e juaja!!!
Selia e PD-së

Për mua sot është 8 Korriku i 2022, është 2 Tetori i 2022 por është edhe 5 Dhjetori i 2022.

Të nderuar demokratë, reagimi është i nevojshëm për të rithemeluar realisht Partinë Demokratike sepse ju të parët keni 10 vite duke u persekutuar nga ky Regjim duke mbajtur në supe të gjithë barrën e shitjeve të zgjedhjeve, humbje pas humbjeje dhe dështim pas dështimi. Ju sot duhet të reagoni për të nxjerrë përpara përgjegjësisë kupolën drejtuese të Partisë Demokratike si shkaktarët kryesorë të vuajtjeve që ju keni pësuar duke qenë në opozitë dhe duke u a çuar dëm sakrificat tuaja.

Partia Demokratike duhet realisht të rithemelohet dhe strukturat drejtuese në qendër duhet të vihen përpara përgjegjësisë që i takon duke u evitentuar përgjegjësit kryesorë dhe të thirren zgjedhje të reja sipas statutit në qendër dhe në strukturat drejtuese të organizatave partnere të përfshira në humbjen e besimit në elektorat dhe të përfshira në fushatë sidomos në Tiranë.

Sot më shumë se kurrë duhet një reflektim i thellë dhe nxjerrje përgjegjësie për të gjithë personat përgjegjës për situatën katastrofike në të cilën ndodhet Partia Demokratike, duhet një analizë se çfarë ndodhi që pse Shqiptarët nuk e shikuan PD si alternativë por e shikuan si kopjen më të shëmtuar të Ramës dhe mekanizmit të tij.

Për herë të parë duhet vënë gishti tek plaga dhe të mos thuhet “Fajin e ka populli që voton Ramën” apo “Zgjedhjet u vodhën dhe u manipuluan” sepse aty ishin ofertat më të mira për t’ju ofruar Shqiptarëve duke respektuar garën e barabartë në proçeset zgjedhore ku për shkak të kësaj edhe një pjesë e anëtarësisë është skeptike ndaj strukturave të partisë deri në nivelet e larta të drejtimit të partisë.

Strukturat drejtuese të Partisë Demokratike duhet të jenë përgjegjëse për situatën në të cilën ndodhet PD duke marrë përgjegjësitë morale përpara demokratëve për humbjen e besimit fillimisht nga baza dhe më pas tek Shqiptarët në përgjithësi.

Këto struktura aktuale në PD e shohin mendimin kritik dhe të të qenit konservator si armiqësi ndaj tyre dhe partisë që në realitet zhvillimi i mendimit kritik dhe të qenit konservator rrit besueshmërinë tek vetë demokratët por edhe tek elektorati gri dhe tek skeptikët.

Futja e personave në pozicionet më të larta në PD dhe Komisionin e Rithemelimit të PD që ende nuk kanë dhënë llogari dhe që nuk kanë mbajtur përgjegjësi për bashkëpunimin që ata kanë pasur me Lulzim Bashën për të shitur zgjedhjet që nga viti 2015 deri tek zgjedhjet e 25 Prillit të 2021 është një damkë e zezë që pasojat u panë në pothuajse dy vite ku ende këta persona e konsiderojnë partinë si pronë të tyre personale për karriget që ata mbajnë me qëllim mbajtjen peng të PD për pazare dhe interesa personale që nuk përkojnë me interesat e demokratëve dhe të Shqiptarëve kundrejt Regjimit.

Kuvendi i 30 Prillit është një nga arsyet se përse Partia Demokratike ndodhet në situatën aktuale ku ky kuvend shërbeu për zgjedhjen e personave mediokër dhe toksikë si Adriana Kalaja në strukturat drejtuese të partisë ku personi në fjalë ka bërë thirrje publike për dhunë ndaj selisë diplomatike të aleatit të Shqipërisë dhe Shqiptarëve që është Amerika.

Aspekti tjetër është mosmarrja me qëllim e vulës me qëllim detyrimin e demokratëve që të kishin në fletën e votimit në 14 Maj jo logon e PD por të ishin nën logon e partisë së Ilir Metës që për shumë demokratë Ilir Meta dhe forca që përfaqëson ai i kanë bërë jo pak padrejtësi PD-së dhe demokratëve dhe që deri dje kjo forcë politike ishte e majtë që bie ndesh me parimet e demokratëve.

Kjo përgjegjësi i takon Kryesisë së partisë sepse në mbledhjen e fundit të Këshillit Kombëtar i  është lënë si përgjegjësi këtij organi drejtues fati i zgjedhjeve dhe hyrjes në zgjedhje.

Aspekti më kryesor është edhe vrasja e frymës së krijuar prej një muaji që nga muaji Qershor i vitit të kaluar deri tek Protesta Kombëtare e 7 Korrikut, ku për herë të parë u bë një protestë madhështore në një kohë që njerëzit lanë pushimet në mes dhe të gjithë u mblodhën në shesh si të majtë, të djathtë dhe të pakënaqur të elektoratit gri për ti dhënë mesazhin Ramës dhe Veliajt.

Gjatë muajit Gusht njerëzit nuk shikuan dhe nuk pati asnjë organizim nga strukturat drejtuese në qendër në mënyrë që të fillonte përballja reale me Regjimin e Ramës dhe Veliajt me qëllim rrëzimin e këtij Regjimi AntiShqiptar.

Pas protestës së 7 Korrikut nisën proçedurat për zgjedhjen e Kryetarit të ri të FRPD ku në vend që të kishte organizim për të pasur përballje me Regjimin e Ramës dhe Veliajt u nxitua për të nxitur pakënaqësitë me qëllim përçarjen e partisë dhe gjithashtu vënien e një Kryetari Forumi lehtësisht të komanduar që nuk di të thotë “Jo” por është vetëm ushtar i Kupolës Drejtuese të partisë dhe i lidhur me pazare bisnesi nëpërmjet studios së tij të konsulencës që është një nga studiot ligjore që jep konsulenca për Shqiptarët që dëbohen nga Regjimi i Ramës dhe Veliajn pra indirekt Besart Xhaferri e ka përfitim personal sa më shumë Shqiptarë të largohen dhe dëbohen nga Rama dhe Veliaj.

Çdo proçedurë që është ndjekur gjatë proçesit të zgjedhjeve për Kryetarin e ri ka dëmtuar kandidatët potencialë fitues përballë Besart Xhaferrit siç është edhe një nga kandidatët Mariglend Doçi që ende në zyrat e Forumit nuk është shqyrtuar ankimimi i tij i depozituar brenda afateve në 4 ditë pas zgjedhjeve ku strukturat aktuale ku sidomos Sekretari Organizativ i FRPD Xhuljan Guçe është përfshirë në manipulim të proçesit zgjedhor ditën e zgjedhjeve.

Kryetari aktual i katapultuar dhe i emëruar nga proçesi i manipuluar Besart Xhaferri nuk gëzon mbështetje nga të rinjtë demokratë duke qenë një nga personat që shkaktuar edhe humbjen e besimit dhe tek vetë partia për shkak sesi është zgjedhur për pasojë duhet të japë dorëheqje ose të shkarkohet.

FRPD duhet të riorganizohet dhe në Forum të ketë garë të ndershme dhe të barabartë për të gjithë sipas statutit pa ndikim të jashtëm nga partia dhe strukturat drejtuese në qendër.

Proçesi i primareve pati në thelb shumë mangësi dhe sabotime nga qendra që dëmtuan kandidatët dhe garën për të mos pasur një proçes të drejtë për të gjitha palët e përfshira në lojë ku kandidatëve nuk iu dhanë komisionerë por komisionerët u caktuan nga qendra dhe duke përfshirë edhe dorëzimin e listave të votuesve vetëm 48 orë përpara.

Gjithashtu mosdhënia e të drejtës së votës të të gjithë elektoratit të djathtë është një nga arsyet pse kupola e PD deshte të kontrollonte proçesin për të paracaktuar kandidatët fitues sidomos në Tiranë ku për të shitur zgjedhjet u desh një kandidat që nuk gëzon mbështetjen të elektoratit gri, skeptikëve madje edhe të të majtëve që nuk e duan Erion Veliajn.

Aleancat me partitë e tjera si PBDNJ dhe me partinë e Ilir Metës pas proçesit të primareve dhe sidomos kandidimi në Himarë i Alfred Beleri që është shprehur publikisht kundër interesave të Shqipërisë dhe është i dyshuar për masakrën e Peshkëpisë është një nga damkat e zeza që strukturat drejtuese në qendër duhet ti evitonin duke bashkëpunuar me parti të djathta konservatore dhe me elektoratin në bazë.

Gjithashtu edhe skandali ku Sekretari Organizativ i PD Flamur Noka që në fakt është personi numër dy në parti firmos për një person dhe subjektin Fronti i Majtë me bindje komuniste si Marko Dajti që bie ndesh me idealin themelor mbi të cilin PD u themelua me mundin dhe sakrificat.

Gjatë fushatës pati tryeza mbi konservatorizmin por në asnjë rast shtyllat e konservatorizmit nuk u bazuan për fushatën dhe për zgjedhjet e 14 Majit por për katapultimin personal të grupit organizator. Sepse një nga shtyllat e konservatorizmit është edhe e drejta e pronës ku partia dhe 60 kandidatët e tjerë ishin të kompleksuar për shkak se kandidati i Tiranës Belind Këlliçi ka konflikt interesi për shkak të lidhjeve familjare me Drejtorin e Institutit të Ndërtimit Artan Shkreli i cili është personi që do të firmosë për projektin shembjes së pronave të minimalisht 500 mijë Shqiptarëve në të gjithë vendin dhe këto për PD duhej të përktheheshin në vota që sillnin fitoren e padiskutueshme edhe në bashkitë më të majta, ku fushata në 61 bashkitë e vendit këtë duhej të kishte pikën kryesore.

Humbja e besimit dhe mbështetjes u pa edhe gjatë fushatës ku pjesëmarrja përveç rasteve në Durrës dhe Elbasan mitingjet elektorale ato hapëse dhe mbyllëse kishin pjesëmarrje të dobët ku edhe demokratët nuk merrnin pjesë për shkak se proçeset zgjedhore brenda partisë dhe organizatave partnere si FRPD shkaktuan pakënaqësi shumë të mëdha dhe anëtarët ishin të pamotivuar për të marrë pjesë.

Elementët e fushatës në Tiranë nga Belind Këlliçi dhe stafi i tij ishin banalë dhe të ulët në nivel me gjestikulacione gishtash që ishin klonimi i nivelit të banalitetit të fushatës së Ramës duke mos dhënë zgjidhjet dhe për të mos qenë alternativë dhe kontrast i fushatës së Ramës duke mos motivuar elektoratin gri dhe skeptikët dhe eventualisht duke humbur besimin dhe duke i dhënë motivin për të mos dalë për të votuar.

Kupola drejtuese e Partisë Demokratike janë përgjegjësit kryesorë të humbjes në rezultat, të shitjes së zgjedhjeve dhe paaftësisë me qëllim për të mos lejuar ofrimin e alternativave fituese për Shqiptarët që do të sillnin fitoren e padiskutueshme të zgjedhjeve në 14 Maj.

Për këtë përgjegjësit kryesorë janë:

- Sekretari i Përgjithshëm i Partisë Demokratike – Flamur Noka

- Kryetari i Këshillit Kombëtar të Partisë Demokratike – Edi Paloka

- Kryetarja e Lidhjes Demokratike të Gruas, Kryetarja e KOKOE – Albana Vokshi

- Kryetarja e Gjykatës së Partisë Demokratike, Anëtarja e Këshillit Kombëtar të PD – Adriana Kalaja

- Nënkryetari i Partisë Demokratike – Oerd Bylykbashi

- Kryetari i Forumit Rinor të Partisë Demokratike – Besart Xhaferi

- Kandidati për Bashkinë e Tiranës, Anëtari i Kryesisë së PD – Belind Këlliçi

- Anëtari i Këshillit Kombëtar të PD, Drejtori i kabinetit të Sali Berishës – Akil Kraja

- Drejtori i mediave dhe komunikimit të PD – Alfred Lela

- Anëtari i Këshillit Kombëtar, Anëtari i Kryesisë – Eno Bozdo

- Sekretari për ligjet dhe çështjet ligjore, Anëtari i Këshillit Kombëtar të PD – Ivi Kaso

Në veçanti Kryesia e Partisë Demokratike që ka marrë të gjitha vendimet që kanë pasur ndikimin direkt në humbjen e besimit tek Shqiptarët dhe në shitjen e zgjedhjeve.

Vrasja e gjithë frymës së krijuar që me foltoret, Kuvendin e 11 Dhjetorit dhe duke vazhduar deri tek piku që ishte Protesta Kombëtare e 7 Korrikut është tradhëtia më e madhe e bërë nga Kupola Drejtuese e Partisë Demokratike pas tradhëtisë dhe pabesisë nga Lulzim Basha për 9 vite rrjesht.

Pas rezultateve paraprake ku në më shumë se gjysmën e vendit janë shpallur rezultatet për Kandidatët e Kryetarëve të Bashkive, kupola drejtuese e PD duhet të mos fyejë inteligjencën e të paktën demokratëve sepse ata janë të parët që kanë ngrënë mbi kurrizin e tyre të gjithë kalvarin e vuajtjeve dhe sakrificave për PD.

Pranimi minimalisht i humbjes dhe reflektimi tek strukturat drejtuese në qendër për të marrë të gjithë përgjegjësitë e duhura do të ishte veprimi më dinjitoz për të hapur krah garës së ndershme sipas statutit dhe meritokracisë në PD.

Anëtarët dhe reagimi i tyre përpara dhe pas zgjedhjeve duhet dëgjuar sot më shumë se kurrë, më tej anëtarët duhet të përfshihen në rithemelimin real të PD sipas statutit me një anëtar, një votë për strukturat e reja me moral, dinjitet dhe besueshmëri të plotë tek demokratët, tek ata demokratë të zhgënjyer dhe tek Shqiptarët.

PDSH në Rrezik: Mos thuaj Zgjedhjet u vodhën!

14:54 Opinione Ilir Levonja

Fundi i demokracisë

Harta ngjyrë mavi, thuajse 99.99% e territorit të Shqipëri...

09:58 Opinione

I mbyturi të mbyt!

Sipari i zgjedhjeve vendore u mbyll dhe rezultatet po treg...

11:36 Opinione Hysni Gurra

Belindi si Trump

Shumëkush kur sheh titullin që kam përdorur do thotë çfarë...

Lajmet e fundit nga