web counter
LEXO PA REKLAMA!

SHKARKO APP

App Store
Google Play

E fundit!

x

Udhëtimet me tren për Krishtlindje në Europë që duhet t'i provoni patjetër

10 Dhjetor 2025, 12:26, Lifestyle CNA

Udhëtimet me tren për Krishtlindje në Europë që duhet

Dimri në Europë sjell peizazhe përrallore të mbuluara me dëborë, tregje festash, drita vezulluese dhe atmosferën karakteristike të Krishtlindjeve. Për të hyrë plotësisht në shpirtin festiv, udhëtimet e ngadalta dhe panoramike me tren janë një ndër eksperiencat më të veçanta që mund të përjetoni. Euronews Travel ka përzgjedhur disa prej itinerareve më magjike dhe të paharrueshëm për këtë sezon.

Santa Claus Express, udhëtim drejt zemrës së Rrethit Arktik

Udhëtimet me tren për Krishtlindje në Europë që duhet

Një nga udhëtimet më mbresëlënëse dimërore është Santa Claus Express, treni finlandez me fjetje gjatë natës që lidh Helsinkin me Rovaniemin në Rrethin Arktik. Pasagjerët udhëtojnë përmes liqeneve të ngrira dhe pyjeve të mbuluara me borë, ndërsa mund të kenë edhe fatin të dallojnë Dritat Veriore.

Në Lapland, “vendlindja zyrtare e Babagjyshit”, ndalesat përfshijnë Kolari dhe Kemijärvi, ku vizitorët mund të eksplorojnë Fshatin e Babagjyshit dhe Zyrën e tij Postare. Treni ofron kabina standarde dhe luksoze, banjo private dhe një vagon-restorant të pajisur plotësisht.

Espresso Monaco, nga Roma drejt tregjeve zbukuruese të Mynihut

Udhëtimet me tren për Krishtlindje në Europë që duhet

Për adhuruesit e trenave të natës, Espresso Monaco ofron një udhëtim festiv nga Roma në Mynih, i shoqëruar me argëtim, muzikë live dhe dekorime të Krishtlindjeve. Pasagjerët mbërrijnë direkt në tregjet tradicionale gjermane, të njohura për suvenire artizanale dhe verën e nxehtë.

Treni ndalon në qytete italiane, austriake dhe gjermane, ndërsa ofron akomodime të ndryshme,nga kabina private deri te vagonët me shtretër ekonomikë. Linja operon dy herë gjatë dhjetorit.

Hekurudha e Bergenit, magjia e Norvegjisë së mbuluar me borë

Udhëtimet me tren për Krishtlindje në Europë që duhet

Rruga hekurudhore Oslo–Bergen është një ndër më piktoresket në Evropë, veçanërisht në dimër. Rreth 500 km udhëtim përmes 180 tuneleve, fjordeve, ujëvarave të ngrira dhe maleve dramatike e kthejnë këtë udhëtim në një përvojë të paharrueshme.

Pasagjerët mund të shijojnë pllajën e famshme Hardangervidda dhe ndalesa si Finse dhe Geilo, si dhe të lidhen me hekurudhën ikonike Flåm. Treni ofron Ëi-Fi, vagon kafene dhe opsione të ndryshme klasash.

Golden Eagle Danube Express, luks dhe magji festive

Udhëtimet me tren për Krishtlindje në Europë që duhet

Për një udhëtim luksoz të vërtetë, Danube Express sjell itinerare festive midis Budapestit dhe Mynihut, me ndalesa në Vjenë, Salzburg dhe Alpet Austriake. Udhëtimi përfshin akomodim në hotel me pesë yje, ture të organizuara, koncert festiv në Vjenë dhe degustime tradicionale.

Kabinat luksoze me banjo mermeri, shërbimi i dhomës dhe restoranti elegant e kthejnë këtë tren në një hotel lëvizës me pesë yje.

Glacier Express, treni më i ngadaltë në botë, por më spektakolar

Udhëtimet me tren për Krishtlindje në Europë që duhet

Glacier Express, një simbol i Zvicrës, ofron një udhëtim tetë-orësh nga Zermatt në St. Moritz, duke kaluar mbi 291 ura dhe përmes 91 tuneleve. Pamjet panoramike të Alpeve, Qafa Oberalp, Gryka e Rinit dhe Viadukti Landëasser janë vetëm disa nga momentet kulmore.

Treni ofron tre klasa shërbimi, përfshirë klasën Excellence me vakt luksoz me 5 pjata dhe përbërës sezonalë zviceranë.

Këto linja hekurudhore festive sjellin kombinimin ideal të aventurës, relaksit dhe atmosferës së Krishtlindjeve, duke u kthyer në eksperienca të paharrueshme për çdo udhëtar që kërkon magjinë e dimrit në Evropë./ CNA





Lajmet e fundit nga