web counter
LEXO PA REKLAMA!

SHKARKO APP

App Store
Google Play

Shuhet ylli i “3 Doors Down”

8 Shkurt 2026, 09:04, Lifestyle CNA

Shuhet ylli i “3 Doors Down”

Brad Arnold, këngëtari kryesor i grupit amerikan të rokut "3 Doors Down", i nominuar për çmimin Grammy, ka ndërruar jetë të shtunën në moshën 47-vjeçare, disa muaj pasi kishte njoftuar se ishte diagnostikuar me kancer në veshkë në fazën e katërt.

Lajmi u konfirmua nga vetë grupi përmes një deklarate, ku thuhet se Arnold ndërroi jetë në paqe, i rrethuar nga të dashurit e tij, pas betejës së tij të guximshme me kancerin.

3 Doors Down u formua në Misisipi në vitin 1995 dhe arriti famë ndërkombëtare katër vjet më vonë me hitin “Kryptonite”, i cili u nominua për çmimin Grammy.

Sipas deklaratës së grupit, Arnold e kishte shkruar këngën gjatë orës së matematikës kur ishte vetëm 15 vjeç.

Albumi debutues i grupit, “The Better Life”, shiti mbi 6 milionë kopje, duke e konsoliduar 3 Doors Down si një nga emrat më të rëndësishëm të rokut alternativ të fillimviteve 2000. Një nominim i dytë për Grammy erdhi në vitin 2003 për këngën “When I’m Gone”.

Grupi publikoi gjithsej gjashtë albume, ndërsa më i fundit, “Us And The Night”, doli në vitin 2016.

Këngë të tjera të njohura të tyre përfshijnë “Loser”, “Duck and Run” dhe “Be Like That”, kjo e fundit pjesë e kolonës zanore të filmit American Pie 2.

Në maj të vitit të kaluar, Arnold bëri publik faktin se vuante nga karcinoma renale me qeliza të qarta, e cila ishte përhapur në mushkëri, çka detyroi grupin të anulonte një turne veror.

Në një mesazh grupi 3 Doors Down theksuan se muzika e Arnold jehoi përtej skenës, duke krijuar momente lidhjeje, gëzimi dhe përvojash të përbashkëta që do të jetojnë gjatë.

Brad Arnold konsiderohet si një figurë kyçe në ripërcaktimin e rokut  amerikan./ CNA





Lajmet e fundit nga