web counter
LEXO PA REKLAMA!

SHKARKO APP

App Store
Google Play

E fundit!

x

"Superylli e kthen Festivalin e Modës në Dubai Mall në një moment që duhet parë patjetër"/ Luana Vjollca "pushton" mediat arabe

31 Janar 2026, 18:05, Lifestyle CNA

"Superylli e kthen Festivalin e Modës në Dubai Mall në

Moderatorja dhe këngëtarja e njohur, Luana Vjollca ndodhet prej disa ditësh në Dubai ku ka marrë pjesë në disa evente dhe panele të rëndësishme.

Prezenca e moderatores dhe paraqitja e saj atje ka marrë dhe vëmendjen e mediave shumë të njohura në Emiratet e Bashkuara Arabe.

“Khaleej Times” i ka kushtuar pjesëmarrjes së saj në Festivalin e Modës në Dubai Mall, një artikull me titullin: “Superylli Luana Vjollca e kthen Festivalin e Modës në Dubai Mall në një moment që duhet parë patjetër”

Në artikull flitet edhe për markën e rrobave të themeluar nga vetë moderatorja, e cila është mirëpritur dhe pëlqyer nga vajzat shqiptare dhe jo vetëm që nga momenti i lançimit të saj

“Hyrja e saj në modë erdhi pas asaj që ajo e përshkruan si një periudhë reflektimi. Vjollca themeloi LULU me qëllimin për të dizenjuar veshje "për gratë nga një grua e fuqishme", të ndërtuara rreth siluetave që përqafojnë trupin dhe strukturës së frymëzuar nga korsetë. Koleksionet e markës, thotë ajo, mbështeten në materiale me cilësi të lartë që ajo i furnizon ndërkombëtarisht. Që nga lançimi, marka ka parë shitje të shpejta, një përgjigje që ajo ia atribuon një estetike të qartë dhe kuptimit të drejtpërdrejtë të audiencës së saj. Vjollca mbetet e përfshirë ngushtë në operimin e markës, duke mbikëqyrur gjithçka, nga dizajni te marketingu dhe mediat sociale”, shkruan media arabe ndër të tjera.

Këngetarja ishte e pranishme në Dubai Mall Festival of Fashion, i cili kishte në fokus themeluesit dhe profesionistët e industrisë. Vjollca ishte pjesë e panelit ku prezantoi se si idetë krijuese mund të shndërrohen në marka globale. /CNA





Lajmet e fundit nga