E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

"ICE jashtë"/ Artistët në Grammy që protestuan kundër operacioneve për goditjen e emigracionit në SHBA

2 Shkurt 2026, 17:45, Lifestyle CNA

"ICE jashtë"/ Artistët në Grammy që protestuan

Ceremonia e ndarjes së çmimeve Grammy 2026 është mbajtur mbrëmjen e djeshme në Los Angeles. Shumë artistë të cilët u ngjitën në skenë për të marrë çmimet, protestuan kundër operacioneve të vazhdueshme të Zyrës së Imigracionit dhe Doganave (ICE) në SHBA, të cilat kanë shkaktuar zemërim në të gjithë vendin.

Bad Bunny, artisti që mori çmimin për Albumin më të Mirë të Vitit me albumin “Debi Tirar Mas Fotos”, gjatë fjalës së tij dha një mesazh kundër ICE. Ai u shpreh se emigrantët nuk janë egërsira, as kafshë, as alienë, por amerikanë.

"Para se t'i them faleminderit Zotit, do të them me bindje se jam kundër ICE. Ne nuk jemi të egër, nuk jemi kafshë, nuk jemi alienë. Ne jemi njerëz dhe jemi amerikanë. Dua t'ia dedikoj këtë çmim të gjithë njerëzve që u detyruan të largoheshin nga atdheu i tyre, vendi i tyre, për të ndjekur ëndrrat e tyre", tha ylli portorikan.

Billie Eilish, e cila fitoi çmimin Grammy për Këngën e Vitit për këngën “Wildflower”, e përdori gjithashtu fjalimin e saj në skenë për të protestuar kundër ICE.

"Sado mirënjohëse që ndihem, sinqerisht nuk ndiej se duhet të them diçka, përveçse askush nuk është i paligjshëm në këtë tokë. Ndjej se thjesht duhet të vazhdojmë të luftojmë, të flasim dhe të protestojmë, dhe zërat tanë vërtet kanë rëndësi, dhe njerëzit kanë rëndësi", tha Eilish.

Kehlani, e cila fitoi çmimin Grammy për Performancën më të Mirë R&B për këngën “Folded”, e përfundoi fjalimin e saj të pranimit të çmimit me të njëjtën frazë.

Këngëtarja dhe kompozitorja britanike Olivia Dean, e cila fitoi çmimin Grammy për Artistin më të Mirë të Ri, vuri në dukje gjatë fjalimit të saj se është mbesa e një emigranti.

Shumë pjesëmarrës të tjerë në ceremoninë e “Grammy”, përfshirë Eilish, Joni Mitchell, Brandi Carlile, Jack Antonoff dhe Justin e Hailey Bieber, mbanin kopsa me frazën “ICE jashtë”. /CNA

"ICE jashtë"/ Artistët në Grammy që protestuan