Reagimi i fortë i Arbana Osmanit ndaj Luizit/ Moderatorja sqarohet sërish për deklaratën

27 Prill 2023, 09:00, Lifestyle CNA

Reagimi i fortë i Arbana Osmanit ndaj Luizit/ Moderatorja sqarohet

Moderatorja Arbana Osmani

Një nga debatet më të forta gjatë spektaklit të kaluar në "Big Brother VIP" ishte momenti ku Luizi i drejtohet në mënyrë ofenduese Efit për faktin se ka qenë pjesë e një programi si "Përputhen", ku sipas Luizit nuk do të donte që motra e tij të ulej para 30 djemve dhe të zgjidhte mes tyre.

Kjo deklaratë e Luizit shkaktoi një reagim shumë të fortë nga ana e moderatores Arbana Osmani, se nuk do të ishte mirë që dikush të thoshte nuk do të donte që motra e tij të ishte si Kiara që hyn në "Big Brother" lidhet me çuna dhe bën dashuri poshtë jorganit.

Moderatorja ka reaguar sërish në rrjetet sociale pasi përgjigjja e saj u komentua masivisht në mediat "online", ku shumë e kanë quajtur reagim të ashpër ndaj Kiarës.

Moderatorja sqaron se asnjëra prej vajzave që bëhen pjesë e një programi televiziv nuk duhet të lincohen dhe të gjykohen, pasi nuk është turp të bëhesh pjesë e një "realityshow" dhe të ndash historinë tënde me publikun. Lincimi, sipas Arbanës, është i tepërt dhe do të reagojë fort gjithmonë në lidhje me këtë.

“Edhe një herë tjetër dua të saktësoj përgjigjen time në lidhje me deklarata e Luizit për 'vajzat e Përputhen'.

Çdo vajzë që merr pjesë në një 'realityshow' si 'Big Brother' apo 'Përputhen' ka një lincim publik 10-fish më të madh se një djalë dhe këtë po e diskutoja dhe dje me Kiarën ku më erdhi shumë keq kur më tha se momenti që më ka bërë më tepër të vuaj ishte kur mësova se vëllait tim i dërgonin mesazhe të tipit shikoje motrën tënde se çfarë bën poshtë jorganit.

Nuk e bën një vajzë me turp fakti që vendos të marrë pjesë në një program televiziv dhe të ndajë historinë e saj të dashurisë me publikun. Askush nuk ka të drejtë të mërzisë as vëllain e Efit dhe as të Kiarës e të asnjë vajze tjetër të këtij vendi duke predikuar në moral. Efi, Kiara, Dea, Olta e të tjera janë të gjitha vajza dhe gra që prej muajsh po lincohen masivisht 'online' vetëm sepse në momente të caktuara kanë zgjedhur të jetojnë 'Big Brother'-in e tyre si duan ato.

Lincimi jashtë është më se i tepërt. Aq sa kur më i vogli vjen brenda shtëpisë, mua si grua më bën të reagoj dhe do ta bëj gjithmonë”, tha Arbana./ CNA.al