Mjafton vetëm pak për të ndihmuar dikë/ Aktorja rikujton momentin kur ushqeu me gji fëmijën e një të panjohuri

3 Shtator 2022, 10:41, Lifestyle CNA

Mjafton vetëm pak për të ndihmuar dikë/ Aktorja rikujton

Aktorja Salma Hayek

Bamirësia është gjesti më i bukur që mund të bëjë kushdo, por sot ky artikull shkon për nënat gjidhënëse, të cilat marrin pjesë në organizata bamirësie dhe me dëshirën më të madhe ndajnë gjirin e fëmijës së tyre me fëmijët në nevojë.

Mbase ju nuk e keni ditur këtë formë të bamirësisë, por kjo është një ndër mënyrat e ndjekura nga ylli i Frida-s si dhe aktorja Salma Hayek, e cila së fundmi është shfaqur në internet teksa ushqen një fëmijë të huaj me qumështin e gjirit të saj.

Aktorja e Hollivudit njëkohësisht e njohur edhe si producente tregon se si ndonjëherë duhet kaq pak për të bërë ndryshime të mëdha.

Salma Hayek mbërriti në Sierra Leone në shtator 2008, jo si një personazh i famshëm, por si një humanitare, për të marrë pjesë në një mision bamirësie afrikan. Gjatë vizitës në një spital, ajo hasi në një nënë e cila nuk kishte gji për t'i dhënë foshnjes së saj. Hayek, e cila kishte një vajzë njëvjeçare në atë kohë, mori djalin e kequshqyer njëjavor dhe filloi ta ushqente me gji, pavarësisht pranisë së shumë ekipeve të kamerave rreth saj.

Pas këtij gjesti fisnik, ajo pranoi se për një moment është ndier keq që i ka hequr qumështin vajzës së saj për t’ia dhënë dikujt tjetër, ndërsa më pas aktorja mendoi se vajza e saj nuk do të kishte problem të ndante qumështin e saj duke u shprehur se:

"Unë në fakt mendoj se fëmija im do të ishte shumë krenar që do të ndante qumështin e saj".

Ajo gjithashtu deklaroi se kur vajza e saj të rritet, do ta inkurajojë që të vazhdojë të jetë një person bujar dhe i kujdesshëm. Dhe ajo me krenari shtoi: "Unë mendoj se kjo është gjëja më e mirë që mund t'i jap vajzës sime, të qenit një person bujar."

Përveç kësaj, Hayek shpjegoi se ideja për të ndihmuar një fëmijë në këtë mënyrë ishte një traditë e gjatë në familjen e saj. Në fakt, shumë vite më parë në një fshat meksikan, stërgjyshja e saj shpëtoi foshnjën e uritur të një të huaji që qante pa pushim duke i dhënë gji fëmijës, i cili, nga ana tjetër, ndaloi menjëherë së qari.

Hayek pretendoi se vendimi i saj për të ushqyer me gji fëmijën e atij të huaji ishte gjithashtu një përpjekje për të pakësuar stigmën e vendosur ndaj grave për ushqyerjen me gji.

Dhe me këtë akt dashamirësie, ajo gjithashtu theksoi me zë të lartë dhe të qartë se si gratë duhet të kenë një zgjedhje për këtë dhe të mos kenë frikë nga trupat e tyre./ CNA.al