web counter
LEXO PA REKLAMA!

SHKARKO APP

App Store
Google Play

Fotot/ 23-vjeçarja shpenzon 49,000 dollarë për ndërhyrje që të duket si Marilyn Monroe

2 Shtator 2022, 09:51, Lifestyle CNA

Fotot/ 23-vjeçarja shpenzon 49,000 dollarë për ndërhyrje

Një e re në SHBA që thotë se ka shpenzuar $49,000 në ndërhyrje plastike gjatë disa viteve, thotë se “nuk do të ndalet kurrë” derisa të arrijë pamjen e dëshiruar.

23-vjeçarja Serena Smith, nga Beverley Hills, Kaliforni, thotë se ka bërë një operacion në hundë $7,500, nje në gjoks $11,000 dhe ka shpenzuar më shumë se $15,000 në “mbushje” të tjera, pa përmendur operacionin për “të pasmet braziliane”.

Ajo thotë se kërkon të arrijë pamjen e bukurosheve të ‘kohës së artë’ të Hollywood si aktoret Marilyn Monroe e Jayne Mansfield.

Por megjithëse ka shpenzuar rreth $50,000 ajo thotë se nuk ka mbaruar këtu dhe se po përgatitet për një tjetër ndërhyrje, pasi dhe fansat e saj në botën e gjerë të internetit, nuk duken të kënaqur.

Serena thotë se nuk mund të heqë dorë megjithëse rikuperimi nga operacionet zgjat disa javë ose muaj të vështirë.

“Rikuperimi pas operacioneve është pjesa më e vështirë. Mbështjella e formës duhet mbajtur 23 orë në ditë, nganjëherë për dy muaj dhe gjithë kohës je e mbuluar me plagë ose të enjtura”.

E apasionuara pas ndërhyrjeve shtonte më tej: “Mbaja me vete enë që mblidhnin gjakun dhe lëngjet që më dilnin nga trupi për afro dy javë … nuk ishte diçka e bukur për t’u parë”.

“Kisha dhimbje në të gjithë trupin, sidomos me ndërhyrjen në pasme, duhet të flija përmbys sepse nuk mund të prekja të pasmet”./CNA.al

 





Lajmet e fundit nga