web counter
LEXO PA REKLAMA!

SHKARKO APP

App Store
Google Play

Histori personale, debate, rrengje dhe ngacmime/ Banorët e "BBV2" hapin ‘thesin’ që në dy ditët e para

26 Dhjetor 2022, 13:25, Lifestyle CNA
Histori personale, debate, rrengje dhe ngacmime/ Banorët e "BBV2"
Foto ilustruese

Dy ditë kanë kaluar nga nisja e edicionit të ri të "Big Brother VIP" dhe banorët kanë hapur “thesin”, duke e vijuar me vrull lojën e tyre.

Përgjatë këtyre dy ditëve, çfarë nuk është dëgjuar dhe parë nga banorët, duke nisur nga ngacmimet, thashethemet, rrengjet apo historitë personale të banorëve.

Këngëtari Luiz Ejlli duket se ka hedhur grepat e tij drejt moderatores Kiara Tito, ku dhe i ka recituar disa vargje.

Nga ana tjetër modelja Kejvina Kthella ka folur për rrjetet sociale dhe komentet negative, të cilat i has shpesh, por është shprehur se nuk ndikojnë aspak në jetën e saj.

Tea Trifoni ka zbuluar se historia e saj e dashurisë me Beartin ka zgjatur tre muaj dhe se lidhja me Andin në "Përputhen" ishte thjesht lojë për "show".

“Ashtu m'u tha ashtu bëra”, ka thënë ndër të tjera ish-konkurrentja e "Përputhen".

Ndërkohë edhe thashethemet e para kanë nisur, ku është përfshirë gazetari Ronaldo Sharka dhe gazetarja Zhaklina Gjolla, ku shprehen se e vetmja banore që nuk iu është afruar është aktorja Olta Gixhari.

Nuk kanë munguar as rrengjet. Së fundi, vajzat kanë vizatuar fytyrën e Luizit teksa ai po flinte gjumë. Ky gjest në fakt ka acaruar këngëtarin, duke thënë se ky është një gjest i ulët.

Një tjetër banore, Efi, ka treguar histori nga jeta e saj duke thënë se në një periudhë të caktuar ka pasur probleme saqë ka menduar edhe vetëvrasjen.

Edhe aktorët Amos Zaharia, Herion Mustafarai dhe Gent Hazizi treguan historitë e tyre, ku veçohet ajo e Amosit, i cili thotë se fjala e parë që ka thënë kur ka humbur kur ishte rreth moshës 2 vjeç është emri i Yllka Mujos.

Ndërsa Mustafarai tregoi se teksa po shikonte një film në kinema të gjithë e njohën si aktori që luan te filmi “Beni ecën vet” dhe përshkruan entuziazmin me të cilin e kishin pritur njerëzit./ CNA.al





Lajmet e fundit nga