web counter
LEXO PA REKLAMA!

SHKARKO APP

App Store
Google Play

E fundit!

x

Bota e artit në zi/ Ndërron jetë Mbretëresha e Rock 'n' Roll-it, Tina Turner

24 Maj 2023, 21:14, Lifestyle CNA
Bota e artit në zi/ Ndërron jetë Mbretëresha e Rock
Mbretëresha e Rock 'n' Roll-it, Tina Turner

Një lajm i hidhur është raportuar mbrëmjen e sotme nga mediat amerikane.

BBC shkruan se ka ndërruar jetë këngëtarja Tina Turner, e cilësuar si Mbretëresha e Rock 'n' Roll-it.

Ajo ka humbur jetën në moshën 83-vjeçare, pas një beteje të gjatë me një sërë sëmundjesh, siç janë tumori, goditja në tru dhe dëmtimi i veshkave. Lajmin e ka konfirmuar zëdhënësi i saj.

“Tina Turner, 'Mbretëresha e Rock 'n' Roll' ka ndërruar jetë sot në mënyrë paqësore në moshën 83-vjeçare pas një sëmundje të gjatë në shtëpinë e saj në Kusnacht afër Zyrihut, në Zvicër.

Me të, bota humbet një legjendë muzikore dhe një model”, është shprehur ai.

Bota e artit në zi/ Ndërron jetë Mbretëresha e Rock

Ylli i muzikës me origjinë zviceriane, e lindur në SHBA, ishte një nga këngëtaret më të mëdha të rock-ut. Ajo ka krijuar një sërë hitesh, siç janë “The Best”, “Proud Mary”, “Private Dancer” dhe “What's Love Got to Do With It”.

Ajo u bë e famshme së bashku me ish-bashkëshortin Ike Turner në vitet 1960 me këngët “Proud Mary” dhe “River Deep”, “Mountain High”.

Ajo u divorcua nga Ike për shkak të abuzimit në vitin 1978 dhe gjeti sukses edhe më të madh si artiste solo në vitet 1980.

Ajo fitoi tetë çmime Grammy dhe u fut për herë të dytë në Rock 'n' Roll Hall of Fame në 2021, por kësaj radhe si një artiste solo./ CNA.al





Lajmet e fundit nga