web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet fytyra misterioze e gruas së epokës së gurit/ Shkencëtarët përdorin skelet për të rindërtuar ngjashmërinë e njeriut parahistorik

22 Gusht 2022, 14:36, Kuriozitete CNA
Zbulohet fytyra misterioze e gruas së epokës së gurit/
Foto ilustruese

'Gruaja Penang' u gjet në prill 2017 në Guar Kepah, Malajzia veriperëndimore, ku u varros pas vdekjes së saj, rreth moshës 40 vjeç, në epokën e vonë të gurit.

Tani një rindërtim mjeko-ligjor i fytyrës ka zbuluar ngjashmërinë e saj për herë të parë në mijëra vjet, me rezultatet e publikuara në një studim të ri akademik.

Eksperti brazilian i grafikës, Cicero Moraes, dhe një ekip nga Universiti Sains Malaysia (USM) në Penang përdorën teknika dixhitale për këtë detyrë.

Moraes tha: “Fillimisht, specialistët në shkencat mjekoligjore studiojnë kafkën për të përcaktuar nëse është mashkull apo femër, moshën e saj dhe prejardhjen e saj, që mund të jetë, përafërsisht, afrikane, aziatike apo europiane. Pasi mbledhin të dhënat, ata dërgojnë kafkën e dixhitalizuar në mënyrë që ne të mund të kryejmë përafrimin.

Ne studiuam skanimet CT të malajzianëve modernë për të marrë një ide më të qartë për projeksionin e hundës, madhësinë e buzëve në lidhje me kafkën, pozicionin e kokës së syrit dhe strukturave të tjera.

Përveç kësaj, ne përdorim edhe teknikën e deformimit (ose përshtatjes) anatomike, ku marrim një ose më shumë donatorë virtualë dhe deformojmë strukturën e tyre në kafkë për t'u përafruar.

Procesi ka një shkallë kompleksiteti, por sigurisht qasja dixhitale që ne përdorim është shumë më e thjeshtë dhe më e aksesueshme se forma klasike, e cila bazohet në skulpturën manuale.

Rezultati ofron një dritare unike në të kaluarën një ngjashmëri e një fytyre të paparë për mijëvjeçarë.

Sepse për këtë bëhet fjalë, tha ai.

Shaiful Idzwan Shahidan, nga departamenti i arkeologjisë në USM, tha se tani shpresonte të riatdhesonte 41 skeletet e tjerë të zbuluar në Guar Kepah.

Këto mbetje, të gërmuara nga arkeologët britanikë midis 1851 dhe 1934, ndodhen aktualisht në Holandë, në Qendrën e Biodiversitetit Naturalis në Leiden.

Mbetjet e gruas Penang u gjetën vetëm gjatë punimeve për ndërtimin e një qendre arkeologjike, dhe kështu trupi i saj është i vetmi nga Guar Kepah ende në Malajzi. Shkaku i vdekjes së gruas ende nuk është përcaktuar./ CNA.al





Lajmet e fundit nga