web counter
LEXO PA REKLAMA!

SHKARKO APP

App Store
Google Play

E fundit!

x

Studimi: Ata që punojnë apo rrinë zgjuar deri vonë në mbrëmje, priren të vdesin më të rinj në moshë

24 Qershor 2023, 20:10, Kuriozitete CNA

Studimi: Ata që punojnë apo rrinë zgjuar deri vonë në

“Bufat e Natës” ose njerëzit që punojnë apo rrinë për qejf zgjuar deri në orët e para të mëngjesit, duket se kanë më shumë gjasa të përballen me rrezikun e vdekjes në moshë të re. Por kjo jo për shkak të kronotipit të tyre, por i prirjes më të madhe për të abuzuar me alkoolin dhe duhanin.

Në këtë përfundim arriti një studim shumë i gjerë në Finlandë i botuar në “Chronobiology International”, që për 37 vjet analizoi të dhënat e 22.976 binjakëve të rritur finlandezë midis 18-24 vjeç. Është parë që njerëzit që shkojnë në shtrat vonë në mbrëmje, janë disi më të rrezikuar të vdesin para kohe, se sa ata që flenë dhe zgjohen më herët. Por faktori kryesor është mënyra e jetesës.

Natën pihet më shumë alkool dhe duhan

Studimet e mëparshme kishin sugjeruar se “Bufat e Natës”, ishin më të rrezikuar nga vdekshmëria e hershme, por dhe nga një tendencë për të favorizuar sjellje më të rrezikshme për shëndetin. Dhe në hulumtimin e fundit, duket se mundësia më e madhe për një vdekje të hershme në kohë, nuk është drejtpërdrejt e lidhur me kronotipin, por pasojave që sjell ky stil jetese.

“Rreziku i rritur i vdekshmërisë që lidhet me të qenit një ‘Buf nate’, duket se është kryesisht për shkak të përdorimit të alkoolit dhe duhanit, në krahasim me ata që zgjohen më herët në mëngjes”- thotë autori kryesor i studimit Krister Hublin, i Institutit Finlandez të Shëndetit në Punë në Helsinki.

Studimi: Ata që punojnë apo rrinë zgjuar deri vonë në

Rreziqet e punës gjatë turnit të natës

Ka prova gjithnjë e në rritje se kohëzgjatja dhe cilësia e gjumit dhe puna e natës ndikojnë mbi shëndetin e njeriut. Studimet e mëparshme i kanë lidhur “Bufat e Natës” me një rrezik më të lartë të prekjes nga sëmundjet, sidomos ato kardiovaskulare.

Në fakt, të dhënat e publikuara në vitin 2018 nga “UK Biobank”, baza e madhe e të dhënave shëndetësore në Britaninë e Madhe, që i vëzhgon njerëzit për mbi 6 vite e gjysmë, zbuloi se ata që sipas nevojës ose zgjedhjes jetojnë më shumë gjatë orëve të natës, kanë një rrezik të vogël në rritje të vdekjes së hershme nga çdo shkak, përfshirë sëmundjet kardiovaskulare.

Ishte pikërisht ky studim, ai që frymëzoi studimin e ri të sapo publikuar. Autorët donin të analizonin disa aspekte që nuk ishin matur më parë, përkatësisht konsumimin e alkoolit dhe pirjes së duhanit dhe jo vetëm kronotipin.

Dhe u pa që duhanpirësit që nuk pinin shumë alkool në grupin e “Bufave të Natës”, nuk kishin ndonjë rrezik në rritje për të vdekur më herët nga ndonjë shkak i caktuar. Ekipi zbuloi se pirja e duhanit dhe e alkoolit, kishin në fakt ndikimin kryesor.

Studimi

Gjatë studimit u vu re se krahasuar me ata që flinin dhe zgjoheshin më herët në mëngjes, "Bufat e Natës” ishin më të rinj në moshë dhe pinin më shumë duhan. Përveç kësaj, ky grupim njerëzish ka raportuar se ka fjetur më pak se 8 orë në natë.

Nga të gjithë pjesëmarrësit në total, 8.728 prej tyre kishin vdekur deri në vitin 2018, dhe vdekja nga çdo shkak ishte 9 për qind më e lartë tek “Bufat e Natës” sesa tek ata që zgjoheshin herët. Megjithatë, studimi zbuloi se ato vdekje u shkaktuan nga pirja e duhanit dhe alkooli dhe jo nga kronotipi.

Në fakt, u vërejt se joduhanpirësit që nuk pinin shumë alkool në grupin e “Bufave të Natës”, nuk ishin më të rrezikuar të vdisnin më herët ata që flinin dhe zgjoheshin herët. Ndërsa të jesh një person që qëndron vonë natën, nuk do të thotë domosdoshmërisht se ke zakone të këqija të gjumit.

Shpeshherë të dyja shkojnë së bashku. Një regjim gjumi i dëmtuar, mund të çojë drejt një sërë problemesh mendore dhe fizike, që më herët kanë qenë të lidhur me varësitë, si për shembull nga nikotina ose alkooli. Dr Jako Kaprio, bashkautor i studimit thotë se në studimin e tyre shëndeti i pjesëmarrësve nuk ishte i ndryshëm nga ai i popullatës së përgjithshme, ndërsa vullnetarët nga biobanka angleze e të dhënave, ishin më të shëndetshëm se sa mesatarja. Kufizimi i këtij hulumtimi, ka të bëjë me faktin se të dhënat janë raportuar nga vetë pjesëmarrësit në këtë studim./ Përkthyer dhe përshtatur nga CNA.al





Lajmet e fundit nga