web counter
LEXO PA REKLAMA!

SHKARKO APP

App Store
Google Play

Sulm me thikë në një shkollë në Uashington/ Plagosen 6 persona, mes tyre dhe autori i dyshuar

1 Maj 2026, 17:30, Kosova & Bota CNA

Sulm me thikë në një shkollë në Uashington/ Plagosen 6

Gjashtë persona kanë mbetur të plagosur nga një sulm me thikë në një shkollë në shtetin amerikan të Uashingtonit pas një përleshjeje.

Departamenti i Zjarrfikësve i Tacomës bëri me dije se të plagosurit, pesë nxënës të shkollës dhe një roje sigurie, ishin në gjendje të qëndrueshme.

Policia tha se ndaloi autorin e dyshuar, nxënës në Shkollën e Mesme Foss, i cili gjithashtu u plagos në incident.

Ndaj të dyshuarit rëndojnë pesë akuza për sulm të shkallës së parë, tha Shelbie Boyd, një zëdhënëse e Departamentit të Policisë së Tacomës. Autoritetet vendase kanë nisur hetimet për zbardhjen e rrethanave të ngjarjes dhe shkaqeve të sulmit.

Shkolla e Mesme Foss do të mbetet e mbyllur të premten pas incidentit, sipas një njoftimi në faqen e internetit të shkollës. Ajo do të rihapet të hënën, më 4 maj, me këshilltarë në vend për të mbështetur stafin dhe nxënësit. /CNA





Lajmet e fundit nga