web counter
LEXO PA REKLAMA!

SHKARKO APP

App Store
Google Play

Nga kohëzgjatja e fushatës te buxheti/ KQZ miraton planin për zgjedhjet e parakohshme në Kosovë

1 Maj 2026, 15:51, Kosova & Bota CNA

Nga kohëzgjatja e fushatës te buxheti/ KQZ miraton planin për

Komisioni Qendror i Zgjedhjeve në Kosovë ka nisur përgatitjet për zgjedhjet e parakohshme që do të mbahen më datë 7 qershor.

Në mbledhjen e sotme të kryesuar nga kryekomisioneri Kreshnik Radoniçi, KQZ mori disa vendime në kuadër të fillimit të përgatitjes për organizimin e zgjedhjeve.

KQZ mori vendimin për caktimin e afateve dhe miratoi planin e aktiviteteve për organizimin e zgjedhjeve.

Gjithashtu u miratua plani i buxhetit për organizimin e zgjedhjeve që është në vlerën: 10,887,186.445 euro.

Plani i aktiviteteve të miratuara nga KQZ:

- Deklarimi i partive politike për pjesëmarrje ose mospjesëmarrje në zgjedhje dhe për formimin e koalicioneve bëhet nga 1-7 maj.

- Deklarimi i partive politike për formim të koalicioneve bëhet nga 1- 7 maj.

- Periudha e aplikimit për certifikim të subjekteve të reja politike (partitë politike, nismat qytetare, koalicionet dhe kandidatët e pavarur) bëhet nga 2-10 maj.

- Aprovimi apo refuzimi nga KQZ certifikimit të kandidatëve të subjekteve politike bëhet nga 5-15 maj.

- Periudha e fushatës zgjedhore për subjektet politike, kandidatët dhe mbështetësit e tyre do të zgjasë 10 ditë e 7 orë, konkretisht nga 28 maj-7 qershor, ora 06:59.

- Afati për aplikim dhe regjistrim i votuesve jashtë Kosovës do të jetë nga 6 -17 maj.

- Periudha e votimit përmes postës do të zgjasë 13 ditë, konkretisht nga data 25 maj-6 qeshor.

- Dita e votimit në përfaqësitë diplomatike do të jetë më 6 qeshor, nga ora 07:00-19:00.

KQZ ka caktuar dhe afate për regjistrimin e votuesve me nevoja të veçanta, akreditimin e vëzhguesve dhe emërimin e komisioneve zgjedhore komunale dhe këshillave të vendvotimeve gjatë muajit maj. /CNA

Nga kohëzgjatja e fushatës te buxheti/ KQZ miraton planin për





Lajmet e fundit nga