E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Zhdukja e mistershme e ish-efektivit Anton Preni/ Bashkëshortja: Më përcolli për te vëllezërit

25 Janar 2023, 20:46, Kronika CNA

Zhdukja e mistershme e ish-efektivit Anton Preni/ Bashkëshortja: Më

Fotomontazh Bardhe dhe Anton Preni

Ish-efektivi në komisariatin e Fushë-Krujës, Anton Preni, rezulton i zhdukur që prej 5 gushtit të 2012-ës dhe ende nuk ka asnjë gjurmë për fatin e tij.

Bashkëshortja e tij, Bardhe Preni, ka treguar se ish-efektivi ishte nisur për të shkuar si çdo ditë në punë, në fabrikën e Tullave të Fushë-Krujës.

“Antoni ishte një familjar i rregullt dhe për gruan dhe për fëmijët. Ai punonte me shtetin, me policinë, pasi u kap vëllai i tij sepse kishte bërë një vrasje filloi punë tek fabrika e çimentos, 5 vjet. Pas 5 vjetësh e zhdukën, se si është historia nuk e di”, u shpreh ajo për emisionin e Klodiana Lalës.

Bashkëshortja e të zhdukurit rrëfen se lajmin e ka mësuar nga vajza e tyre, e cila kishte vërejtur mungesën e të atit, ndërkohë që e ëma kishte shkuar te vëllezërit e saj në Tiranë.

“Momenti i fundit ka qenë ditë e shtunë që më ka përcjellë për të ikur në Tiranë te vëllezërit e mi. Më ka marrë vajza në telefon dhe më ka thënë ‘mami, babi nuk ndodhet në shtëpi’. I kam thënë ‘si nuk ndodhet në shtëpi’. ‘Po më thotë nuk ka ardhur’. Vajza ka tentuar duke pyetur gjithandej shoqërinë që ka pasur. Unë them si ka mundësi prej në orën 6.30 të mëngjesit deri në orën 16.00 mos të bjerë një telefonatë nga puna, duke qenë se ai kishte harruar dhe telefonin në shtëpi. Asnjë telefonatë, vetëm ka tentuar goca dhe i ka treguar një i turnit të dytë, i ka thënë ‘babi yt nuk ka ardhur në punë sot’”, thekson Bardha Preni.

Një nga pistat e zhdukjes lidhet me vrasjen e Shkëlqim Malokut në 1999-ën nga Robert Preni, ky i fundit vëllai i ish-efektivit.

Por Bardhe Preni deklaron se bashkëshorti i saj ka qëndruar i mbyllur vetëm dy javë pas vrasjes dhe më pas ka vazhduar të shkojë në punë si gjithmonë.

Ajo gjithashtu thekson se Anton Preni ka punuar në fabrikë me të afërm të Shkëlqim Malokut dhe nuk ka pasur konflikte.

“Shkëlqim Malokun e ka vrarë Robert Preni. Pastaj në filluam duke u ruajtur se do të na vrasin. Pastaj filloi duke dalë në punë burri. Filloi punë. Dy javë ka qëndruar në shtëpi kur u bë vrasja. Vrasja u bë në Marikaj në 1999.

Burri im ka punuar me njerëzit e atyre që ishim në gjak tek fabrika e çimentos/e tullave. Ishin kushërinjtë në punë dhe ai ka punuar me to. Nuk ka pasur asnjë konflikt me to, asnjë gjë. Për pesë vjetësh që ka punuar nuk ka patur asnjë gjë. Mbrapa ndodhi konflikti”, nënvizon Bardhe Preni./ B.A. – CNA.al