web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet në Tiranë magazina ku përgatitej lëndë narkotike për shitje/ 5 të arrestuar

26 Shtator 2025, 10:37, Kronika CNA

Zbulohet në Tiranë magazina ku përgatitej lëndë

Policia e kryeqytetit ka finalizuar operacionin “Warehouse” në kuadër të të cilit është zbuluar një magazinë ku fshihej lëndë narkotike dhe përgatitej për shitje.

Si rezultat janë vënë në pranga 5 persona, pjesë e grupit që kryente veprimtarinë kriminale.

Gjithashtu u sekuestruan lëndë narkotike kanabis dhe kokainë, armë zjarri, automjete dhe celularë.

 

Njoftimi i policisë

Tiranë/Finalizohet operacioni policor i koduar “Warehouse”.         

Zbulohet një magazinë ku fshihej lëndë narkotike dhe përgatitej për shitje në doza.   

Sekuestrohen 9 kilogramë Cannabis Sativa, sasi Kokaine, 2 armë zjarri, 2 armë të ftohta, 2 automjete, 6 celularë dhe sende të tjera të kundërligjshme.      

Vihen në pranga 5 shtetas, anëtarë të grupit që kryente këto veprimtari kriminale.      

Specialistët e Komisariatit të Policisë Nr. 4, në vijim të punës për goditjen e veprimtarive kriminale në fushën e narkotikëve, bazuar në informacionet e siguruara në rrugë policore, kanë organizuar dhe finalizuar operacionin policor të koduar “Warehouse”. Në kuadër të këtij operacioni, u arrestuan në flagrancë shtetasit:  

Xh. Z., 25 vjeç, R. K., 21 vjeç, E. Gj., 37 vjeç, A. C., 22 vjeç dhe A. K., 22 vjeçe, të pestë banues në Tiranë. 

Në rrugën “Myslym Keta”, gjatë kontrollit në magazinën e shtetasit R. K., me veprimtari prodhimin e paletave të drurit, u gjetën një valixhe me 9 kg lëndë të dyshuar narkotike kanabis dhe 1 armë zjarri pistoletë. Nga hetimet dyshohet se sasia e lëndës narkotike është transportuar nga Sukthi në Tiranë, nga shtetasi Xh. Z., në bashkëpunim me shtetasen A. K.   

Gjatë ndërhyrjes së Policisë, në magazinë u konstatuan shtetasit A. C. dhe E. Gj. Gjatë kontrollit fizik, shtetasi E. Gj. iu gjet një sasi lënde narkotike kokainë.  

Në vijim të veprimeve procedurale, gjatë kontrollit në banesën e shtetasit Xh. Z., u gjetën 1 armë zjarri pistoletë dhe 2 armë të ftohta.  

Hetimet vijojnë për identifikimin e shtetasve të tjerë të implikuar në këtë veprimtari kriminale./CNA





Lajmet e fundit nga