web counter
LEXO PA REKLAMA!

SHKARKO APP

App Store
Google Play

E fundit!

x

Operacioni "Red"/ Sekuestrohet "Ferrari" me vlerë 600 mijë euro, tre persona nën hetim

24 Shtator 2025, 16:49, Kronika CNA

Operacioni "Red"/ Sekuestrohet "Ferrari" me vlerë 600

Nis hetimi ndaj një shtetasi, i cili dyshohet se ushtronte veprimitarinë e paligjshme të trafikut të narkotikëve në shtetin turk.

E.V., iu sekuestrua një mjet tip “Ferrari” me vlerë 600 000 euro, që dyhsohet se janë të përftuara nga trafiku i narkotikëve.

30-vjeçari për të shmangur gjurmueshmërinë ia kishte lënë mjetin në pronësi një përsoni tjetër, një tjetër e kishte sjellë atë në Shqipëri për llogari të E.V.,

Tiranë/Finalizohet operacioni policor i koduar “Red”.

 

Sekuestrohet 1 automjet tip “Ferrari”, me vlerë rreth 600 000 euro, i dyshuar i përfituar nga trafikimi i lëndëve narkotike.

 

Në hetim drejtuesi i automjetit, autor i kësaj veprimtarie kriminale, në Turqi.

 

Ky shtetas e kishte regjistruar në pronësi të një 36-vjeçari, këtë automjet, të cilin e kishte sjellë në Shqipëri, për llogari të tij, një 30-vjeçar.

Vihen në hetim dhe të dy të implikuarit në këtë rast.

 

Në vijim të hetimeve, me objektiv gjurmimin dhe sekuestrimin e pasurive me burime kriminale, specialistët e Seksionit për Hetimin e Pastrimit të Parave dhe Aseteve, në bashkëpunim me shërbimet e Forcës së Posaçme “Shqiponja”, finalizuan operacionin “Red”.

 

Në kuadër të operacionit, u ndalua në rrugën “Abdyl Frashëri”, automjeti tip “Ferrari”, me drejtues shtetasin E. V., 30 vjeç, i dënuar më parë në Turqi, për trafikim të lëndëve narkotike, pasi nga hetimet dyshohet se automjeti është përfituar nga kjo veprimtari kriminale.

 

Nga hetimet e mëtejshme u identifikuan shtetasi të cilit 30-vjeçari ia kishte lënë në pronësi automjetin, me qëllim shmangien e gjurmimit, konkretisht S. Ll., 36 vjeç, si dhe shtetasi që kishte sjellë automjetin, në Shqipëri, për llogari të 30-vjeçarit, konkretisht A. L., 30 vjeç.

 

Në vijim të veprimeve procedurale nisi procedimi penal për të 3 këta shtetas.

Gjithashtu, vijojnë hetime për të gjurmuar dhe sekuestruar pasuri të tjera të shtetasit E. V. ose të afërmve të tij, që mund të jenë përfituar nga veprimtaria e tij kriminale, në Turqi./CNA





Lajmet e fundit nga