web counter
LEXO PA REKLAMA!

SHKARKO APP

App Store
Google Play

E fundit!

x

Masakra në Shkodër/ Kush është bashkëpunëtori i Ragip Gilës, lidhja me Ibrahim Licin

23 Shtator 2025, 21:19, Kronika CNA

Masakra në Shkodër/ Kush është bashkëpunëtori i

Emisioni “Në Shënjestër” ka zbuluar të dhëna të reja në dosjen hetimore ku dyshohet se bashkëpunëtor i Ragip Gilës në masakrën e Shkodrës të jetë edhe Barush Bregu, që njihet edhe si Bajram Bregu si dhe një 17-vjeça, të dy të shpallur në kërkim.

Kush është Barush Bregu?

Barush Bregu konsiderohet si një nga eksponentët më problematik të botës së krimit dhe sipas hetuesve ka lidhje me Ibrahim Licin.

“Në vitin 2016, Barush Bregu është dënuar me 4 vite burgim për drogë dhe armëmbajtje pa leje.

Në vitin 2018, gjurmët e gishtërinjve të tij u zbuluan në një armë në mesin e një arsenali që u gjet në bazat e grupit Lici, në të cilën u ushtrua kontroll pas vrasjes së Fatbardh Licit, xhaxhait të Ibrahim Licit, kur policia shkoi për kontroll pas ngjarjes së rëndë.

Në mars të vitit 2019 në Shkodër u ekzekutuan Ibrahim dhe Astrit Bilali, babai dhe xhaxhai i Astmer Bilalit, ky i fundit i njohur si krahu i armatosur i Bajrave dhe dyshimet ranë mbi Ibrahim Licin, ndërsa Barush Bregu u dyshua si bashkëpunëtor.

Por për ta nuk pati akuzë zyrtare.

Në vitin 2024 Barush Bregu i shpëtoi ndjekjes së policisë pasi aksidentoi automjetin zyrtar dhe u largua”, zbulon Në Shënjestër në dosjen hetimore.

Nuk dihet nëse Ragip Gila është investuar nga familja Lici për të qëruar hesapet me anëtarin e familjes rivale, tashmë të deklaruar, Bajri, në këtë rast Erogen Bajroviç dhe përse pikërisht u zgjodh ai./ CNA





Lajmet e fundit nga