web counter
LEXO PA REKLAMA!

SHKARKO APP

App Store
Google Play

E fundit!

x

Tentuan të kontrabandonin steka me cigare/ Pranga dy vëllezërve në Kapshticë

23 Shtator 2025, 13:13, Kronika CNA

Tentuan të kontrabandonin steka me cigare/ Pranga dy vëllezërve

Në doganën e Kapshticës është goditur një rast i kontrabandës së mallrave.

Si pasojë kanë rënë në pranga dy vëllezër, që tentuan të kontrabandonin steka cigaresh, pa fatura blerjeje dhe të padeklaruara.

Të arrestuarit u kaluan për kontroll në vijën e dytë në hyrje të territorit shqiptar ku dhe u konstatuan cigaret kontrabandë.

 

Njoftimi i policisë

Drejtoria Vendore për Kufirin dhe Migracionin Korçë

PKK Kapshticë/Goditet një rast i tentativës për të kontrabanduar mallra për të cilat paguhet akcizë. 

Kapen në flagrancë nga shërbimet e Policisë Kufitare, 2 vëllezër që tentuan të kontrabandonin dhjetëra steka me cigare. Sekuestrohen stekat me cigare. 

Në vijim të punës së shërbimeve të Policisë Kufitare në PKK Kapshticë, për goditjen e paligjshmërive, u kaluan për kontroll në vijën e dytë, në hyrje të RSh-së, shtetasit R. T. dhe K. T., banues në Bilisht.  

Nga kontrolli, këtyre shtetasve iu gjetën dhjetëra steka me cigare, pa fatura blerjeje, që nuk i kishin deklaruar.   

Në vijim të veprimeve procedurale, u referuan materialet në Prokurori, ku filloi procedimi penal për shtetasit R. T., 43 vjeç dhe K. T., 47 vjeç, banues në Bilisht, për veprën penale “Kontrabanda me mallra për të cilat paguhet akciza ose me pezullim të plotë apo të pjeshëm nga detyrimet doganore ose të akcizës”.    

Materialet procedurale iu referuan Prokurorisë së Korçës, për veprime të mëtejshme/CNA





Lajmet e fundit nga