web counter
LEXO PA REKLAMA!

SHKARKO APP

App Store
Google Play

Tentoi të arratisej nga burgu i Fierit/ Drejtoria e Burgjeve: Doli përmes një vrime të hapur në mur

25 Shtator 2025, 12:13, Kronika CNA

Tentoi të arratisej nga burgu i Fierit/ Drejtoria e Burgjeve: Doli

Drejtoria e Burgjeve ka bërë një deklaratë për shtyp në lidhje me rastin e sotëm ku një i burgosur tentoi arratisjen nga burgu i Fierit.

Në njoftimin e bërë nga drejtoria, thuhet se Bledar Selmanaj ka tentuar të arratiset në orët e para të mëngjesit të së mërkurës.

Drejtoria bën me dije se Selmanaj ka dalë përmes një vrime në mur, të hapur me mjete rrethanore dhe më pas ka dalë në tarracë me anë të një tubi metalik.

Më tej në njoftim thuhet se lokalizimi i tij është bërë pa kaluar asnjë perimetër sigurie. Gjatë ndalimit, i burgosuri ka kundërshtuar me forcë punonjësit e policisë.

 

Njoftimi i Drejtorisë së Burgjeve

Më datë 24.09.2025, rreth orës 03:48, i paraburgosuri Bledar Selmanaj ka tentuar të arratiset.

Ai ka dalë përmes një vrime të hapur në mur me mjete rrethanore dhe është ngjitur në tarracë nëpërmjet një tubi metalik, duke u fshehur pa kaluar asnjë perimetër sigurie. Forcat e sigurisë janë vënë në lëvizje dhe pas kontrollit të territorit është bërë lokalizimi dhe ndalimi i tij.

Gjatë ndalimit, i paraburgosuri ka kundërshtuar me forcë punonjësit e Policisë së Burgjeve. Aktualisht, ai është i akomoduar në dhomat e veçimit, deri në përfundimin e veprimeve hetimore për zbardhjen e plotë të kësaj ngjarjeje.

Ky shtetas ka tentuar edhe dy herë të tjera të arratiset nga institucionet e ekzekutimit të vendimeve penale në Shqipëri, përmes veprimeve aktive.

Drejtoria e Përgjithshme e Burgjeve siguron dhe garanton një nivel të lartë sigurie dhe mbarëvajtje të qetë në sistemin e burgjeve.





Lajmet e fundit nga