web counter
LEXO PA REKLAMA!

SHKARKO APP

App Store
Google Play

E fundit!

x

Minatori humbi jetën në Bulqizë/ Vihen në pranga 2 persona, procedohet drejtuesi teknik

25 Shtator 2025, 10:14, Kronika CNA

Minatori humbi jetën në Bulqizë/ Vihen në pranga 2 persona,

Policia e Dibrës ka arrestuar dy persona dhe ka proceduar penalisht një tjetër, në lidhje me ngjarjen e djeshme në Bulqizë, ku humbi jetën një minator.

Në pranga kanë rënë dy punonjës të stafit teknik të subjektit minerar. Ndërsa është proceduar penalisht drejtuesi teknik i subjektit.

Ndaj dy të arrestuarve dhe drejtuesit teknik rëndon akuza për “Shkelja e rregullave të mbrojtjes në punë”, me pasojë vdekjen.

Ditën e djeshme minatori K. D., 38 vjeç, humbi jetën si pasojë e shembjes së një masivi shkëmbor në galeri.

Njoftimi i policisë

Nuk morën masa për sigurimin e kushteve të mbrojtjes në punë, në subjektin minerar ku humbi jetën dje shtetasi K. D., arrestohen 2 punonjës të stafit teknik dhe procedohet penalisht, në gjendje të lirë, drejtuesi teknik i subjektit.

Në vijim të veprimeve hetimore të kryera me qëllim zbardhjen e rrethanave dhe përgjegjësisë në lidhje me ngjarjen e djeshme, të ndodhur në një subjekt minerar në zonën D, Bulqizë, ku humbi jetën shtetasi K. D., 38 vjeç, dyshohet se, si pasojë e shembjes së një masivi shkëmbor gjatë punës në galeri, shërbimet e Komisariatit të Policisë Bulqizë arrestuan në flagrancë shtetasit:

G. K., 47 vjeç, me detyrë brigadier;

B. C., 62 vjeç, me detyrë teknik, të dy banues në Bulqizë.

Gjithashtu, nisi procedimi penal në gjendje të lirë për shtetasin R. P., 67 vjeç, banues në Peshkopi, me detyrë drejtues teknik në subjektin minerar.

Nga hetimet e deritanishme ka rezultuar se këta shtetas, me veprimet ose mosveprimet e tyre, nuk kanë marrë masat e duhura për garantimin e kushteve të sigurimit teknik të punës në subjektin minerar.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprën penale “Shkelja e rregullave të mbrojtjes në punë”, me pasojë vdekjen.





Lajmet e fundit nga