web counter
LEXO PA REKLAMA!

SHKARKO APP

App Store
Google Play

Zbardhen dy raste vjedhjesh në Tiranë/ Vihet në pranga 30-vjeçari

19 Nëntor 2025, 13:05, Kronika CNA

Zbardhen dy raste vjedhjesh në Tiranë/ Vihet në pranga

Policia e Tiranës ka zbardhur rastin e vjedhjeve të sendeve personale të një personi.

Si rezultat është arrestuar një 30-vjeçar, i cili rezulton me precedent të mëparshëm për këtë vepër penale.

Në pranga ka rënë N. H. i cili një ditë më parë ka tentuar t’i vjedhë sendet personale një shtetasje, ndërsa më 9 nëntor i ka vjedhur një shumë parash një tjetër personi.

 

Njoftimi i policisë

 

Tiranë/ Finalizohet nga Komisariati i Policisë Nr. 4 operacioni policor i koduar “Darkness”.

Tentoi ti vidhte me dhunë sendet personale një shtetaseje, duke përfituar nga errësira, falë reagimit të shpejtë të Policisë, kapet dhe vihet në pranga 30-vjeçari.

30-vjeçari, me precedentë të mëparshëm penal në fushën e vjedhjes dhe narkotikëve.

Zbardhet dhe dokumentohet edhe 1 rast i vjedhjes me dhunë, i kryer më herët nga ky shtetas.

Shërbimet e Komisariatit të Policisë Nr. 4, në vijim të punës për parandalimin e vjedhjeve, zbardhjen e atyre të ndodhura më parë dhe vënien përpara përgjegjësisë penale të autorëve, organizuan dhe finalizuan me sukses operacionin policor të koduar “Darkness”, në kuadër të të cilit u arrestua shtetasi:

– N. H., 30 vjeç, banues në Tiranë.

Nga veprimet hetimore rezulton se më datë 18.11.2025, ky shtetas ka tentuar ti vjedhi me dhunë sendet personale një shtetaseje.

Gjithashtu, dyshohet se më datë 09.11.2025, nëpërmjet ushtrimit të dhunës, i ka vjedhur një shumë parash një 54-vjeçari.

Vijon puna për dokumentimin e rasteve të tjera të mundshme të vjedhjeve të kryera nga ky shtetas.

Materialet procedurale i kaluan Prokurorisë, për veprime të mëtejshme.





Lajmet e fundit nga