web counter
LEXO PA REKLAMA!

SHKARKO APP

App Store
Google Play

E fundit!

x

Vodhi 500 mijë lekë në 3 biznese/ Arrestohet 36-vjeçari në qytetin e Vlorës

17 Nëntor 2025, 15:47, Kronika CNA

Vodhi 500 mijë lekë në 3 biznese/ Arrestohet 36-vjeçari

Një 36-vjeçar u kap dhe u ndalua nga forcat policore pas zbardhjes dhe dokumentimit të tri rasteve vjedhjesh në qytetin e Vlorës.

Aksioni u krye në përfundim të operacionit policor të koduar “Cashline”.

Shtetasi E.Xh., vodhi 500 mijë lekë në total në 3 biznese, në lagjen “1 Maji” dhe “Lef Sallata” të qytetit bregdetar.

Njoftimi:

Strukturat hetimore të Komisariatit të Policisë Vlorë, në vijim të punës për parandalimin dhe goditjen e krimeve kundër pronës dhe pasurisë, finalizuan operacionin policor të koduar “Cashline”, si rezultat i të cilit u kap dhe u ndalua shtetasi:

•E. Xh., 36 vjeç, banues në lagjen “1 Maji”, Vlorë.

Nga veprimet hetimore ka rezultuar se ky shtetas është autor i 3 rasteve të vjedhjeve në qytetin e Vlorës, konkretisht:

Më datë 17.10.2025, në lagjen “1 Maji”, ka vjedhur shumën 200 000 lekë në lokalin e një shtetasi;

Më datë 14.11.2025, në lagjen “1 Maji”, ka vjedhur shumën 100 000 lekë në një furrë buke;

Më datë 16.11.2025, në lagjen “Lef Sallata”, ka vjedhur shumën 200 000 lekë.

Materialet procedurale iu referuan Prokurorisë, për veprime të mëtejshme, për veprën penale “Vjedhja”./CNA





Lajmet e fundit nga